Гулчеҳра Қоҳирова, директори Пажӯҳишгоҳи астрофизикаи АМИТ: «21 март астероиди азими эҳтимол хатарнок ба Замин наздик мешавад»
ДУШАНБЕ, 11.02.2021 /АМИТ «Ховар»/. «Мутобиқи мушоҳидаҳо ва ҳисобҳои астрономҳо, моҳи марти соли равон астероиди 2001 FO32 ба Замин наздик мешавад. Олимон-астрофизикҳои тоҷик ҳаракати астероидро ҳангоми наздик шудани он ба Замин мушоҳида хоҳанд кард», — гуфт ба мухбири АМИТ «Ховар» директори Пажӯҳишгоҳи астрофизикаи Академияи миллии илмҳои (АМИ) Ҷумҳурии Тоҷикистон Гулчеҳра Қоҳирова.
Ба гуфтаи вай, 21 март соати 21:00 ба вақти маҳаллӣ астероид ба сайёраи мо то ҳадди баландтарин дар масофаи қариб 2 миллион километр наздик мешавад. Тавре ки мусоҳиб шарҳ дод, ин масофа аз масофаи байни Замин ва Моҳ 5 маротиба зиёдтар аст. Аз соли 1900 то 2008 ин астероид 17 маротиба ба Замин наздик шудааст ва интизор меравад, ки наздикшавии ояндаи он соли 2032 сурат мегирад.
«Мутобиқи маълумоти байналмилалӣ, астероид эҳтимол хатарнок ва бузургтарин ҳисобида мешавад. Аммо масофаи нисбатан калони наздикшавӣ эҳтимоли бархӯрд бо астероидро ночиз мекунад ва он ба Замин хатари воқеӣ надорад», — гуфт роҳбари Пажӯҳишгоҳи астрофизика ва илова кард, ки астероиди 2001 FO32 21 марти соли 2001 дар расадхонаи Моунт-Леммон (Аризона, ИМА) кашф карда шудааст.
«Он ба гурӯҳи астероидҳои наздизаминӣ- Аполлонҳо мансуб аст ва яке аз калонтаринҳо ба ҳисоб меравад, ҳаҷми он тақрибан 2 км мебошад. Астероид дар тӯли зиёда аз 2 соли заминӣ дар атрофи Офтоб як маротиба гардиш мекунад»,-иброз намуд Гулчеҳра Қоҳирова.
22 июл дар Тоҷикистон нишастҳои матбуотии вазорату идораҳо оғоз мегарданд
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
