«Паёми Пешвои муаззами миллат: ҷанбаҳои назариявӣ ва амалии он». Таҳти чунин унвон дар Душанбе Конфронси ҷумҳуриявии илмию амалӣ баргузор гардид
ДУШАНБЕ, 10.02.2021 /АМИТ «Ховар»/. Имрӯз дар бинои Бонки давлатии амонатгузории Ҷумҳурии Тоҷикистон «Амонатбонк» бо ташаббуси Кумитаи кор бо ҷавонон ва варзиш дар мавзӯи «Паёми Пешвои муаззами миллат: ҷанбаҳои назариявӣ ва амалии он» Конфронси ҷумҳурияавии илмию амалӣ баргузор гардид. Дар кори конфронс раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, муовини Вазири маориф ва илм Латофат Назирӣ, ноиби Президенти Академияи миллии илмҳои Тоҷикистон Абдураҳмон Муҳаммад, раиси Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» Абдулҳаким Розиқзода, олимон ва муҳаққиқони ҷавон иштирок намуданд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода дар оғози конфронс иброз дошт, ки Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳуҷҷати расмӣ ва муҳими барномавӣ мебошад, ки дар он тамоми ҷанбаҳои сиёсати дохилӣ ва хориҷии кишвар таҳлилу баррасӣ шудаанд. Таҳлил ва дастуру супоришҳои дар Паём зикр намудаи Пешвои миллат роҳи тамоми шаҳрвандону ҷавонони мамлакатро барои расидан ба ҳадафҳои минбаъдаи давлатдорӣ равшан менамояд. «Бояд зикр намуд, ки мақсади ироаи Паём. пеш аз ҳама, аз он иборат аст, ки ҳар сокини ин мамлакат вазифаи худро аз ин Паёми Сарвари давлат дарёбад ва барои давлатсозиву давлатдорӣ онро ба таври аниқу дақиқ дар амал татбиқ намояд. Конфронси имрӯза бо мақсаде доир мегардад, ки ҷанбаҳои гуногуни Паёми Пешвои миллат аз лиҳози назариявӣ таҳқиқ ва аз лиҳози амалӣ асоснок карда шаванд»,- гуфт Абдулло Раҳмонзода.
Муовини Вазири маориф ва илми Ҷумҳурии Тоҷикистон Латофат Назирӣ баён намуд, ки «бо роҳнамоӣ ва дастгирии Пешвои миллат муҳтарам Эмомалӣ Раҳмон мамлакати мо дар ҳоли рушду шукуфоист. Паёми имсолаи Пешвои миллат ба 30-юмин солгарди Истиқлоли давлатӣ рост омадааст. Ҳамагон шоҳиди он ҳастем, ки ба пешвози ин ҷашни бузург ва ҷиҳати татбиқ ва иҷро намудани нуктаҳои муҳими Паём дар тамоми соҳаҳои ҳаёти сиёсиву иқтисодӣ ва иҷтимоии ҷомеа корҳо дар ҳоли рушд буда, ободкориҳо дар шаҳру деҳоти Тоҷикистон идома доранд».
Ба зикри мавсуф, дар Паёми ҳарсолаи Президенти мамлакат ба соҳаи иҷтимоӣ ва рушди неруи инсонӣ диққати махсус зоҳир карда мешавад. «Дар Паёми имсола аз ҷониби Сарвари давлат дар партави озмунҳои ҷумҳуриявии «Фурӯғи субҳи доноӣ китоб аст!» ва «Тоҷикистон-ватани азизи ман!» дастур дода шуд, ки ҷиҳати ҳарчӣ бештар рӯ овардан ба омӯзиши илмҳои риёзиву дақиқ ва табиӣ озмуни навбатӣ зери унвони «Илм- фурӯғи маърифат» байни хонандагон, донишҷӯён, магистрону аспирантон, омӯзгорону олимон гузаронида шавад. Итминон аз он дорем, ки баргузор намудани чунин озмунҳо ба дарёфти истеъдодҳои нав, нобиғаҳо ва шахсони навовару эҷодкор мусоидат мекунад»,- афзуд Латофат Назирӣ.
Ба зикри ноиби президенти Академияи миллии илмҳои Тоҷикистон Абдураҳмон Муҳаммад Паёми имсолаи Пешвои миллат барои ҷавонон шаҳодатномае мебошад, ки барои рушду инкишофи минбаъдаи ҷомеа аҳамияти хосса дорад.
Дар Паёми имсола нуктаҳои стратегие ҳастанд, ки танҳо як солро дар бар намегиранд. Он барои дурнамои минбаъдаи рушду инкишофи ҷомеаи мо мебошад.
«Таърихи миллати мо шоҳиди ҳодиса ва рўйдодҳои мухталифу аҷибе будааст, бинобар ин бояд гуфт, ки имрўз камтар кишвареро ҳамчун Тоҷикистон пайдо намудан мумкин аст, ки барои рушду таҳкими истиқлол ва худшиносии миллӣ чунин сарвари сиёсии тавоноро мисли Асосгузори сулҳу ваҳдати миллӣ — Пешвои миллат, Президенти кишвар муҳтарам Эмомалӣ Раҳмон ба саҳнаи сиёсати бузург оварда бошад»,- изҳор намуд А. Муҳаммад.








Соли равон дар вилояти Суғд таъмир ва сохтмони беш аз 100 муассисаи тандурустӣ ба нақша гирифта шудааст
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад






