Санъат Раҳим: «Барои риоя накардани қоидаҳои бехатарии саноатӣ шахсони масъули корхонаҳо ҷарима баста шуданд»
ДУШАНБЕ, 02.02.2021 /АМИТ «Ховар»/. Аз ҷониби кормандони Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон барои риоя накардани қоидаҳои бехатарии саноатӣ шахсони масъули корхонаҳо бо моддаҳои 405, 172 ва 725—и Кодекси ҳуқуқвайронкунии маъмурии Ҷумҳурии Тоҷикистон ба ҷавобгарии маъмурӣ кашида шуда, ба маблағи 848 357 сомонӣ ҷарима баста шуданд, ки нисбат ба ҳисоботи соли гузашта 194 967 сомонӣ зиёд мебошад.
Ин нуктаро имрӯз зимни нишасти матбуотӣ сардори Хадамоти мазкур Санъат Раҳим иброз намуд.
Зикр гардид, ки дар корхонаву ташкилот ва иншооти бақайдгирифташуда дар соли 2020 31 ҳодисаи нохуш ба қайд гирифта шудааст, ки дар натиҷа 8 нафар ҳалок ва 33 нафар ҷароҳати ҷисмонӣ бардоштанд.
«Таҳлилҳо нишон доданд, ки дар корхонаи зериназоратии Хадамот соли 2020 шумораи ҳодисаҳои нохуш нисбат ба соли 2019 2 адад ва дар соҳаҳои истеҳсолӣ 3 адад кам гардидааст. Сабабҳои асосии ҳодисаи нохуш-ин бемасъулиятии муҳандисони техникии корхонаҳо, дар ҷои ҳодиса беаҳамиятӣ кардани ҷабрдидагон ҳангоми кор бо иншооти хатарнок, риоя нагардидани қоидаҳои бехатариии саноатӣ дар ҷараёни кор бо иншооти истеҳсолии хатарнок, риоя накардани технологияи коркарди кон, ҳамчунин надоштани мутахассисони соҳавӣ мебошад»,-шарҳ дод Санъат Раҳим.
Ҳамзамон иброз гардид, ки аз рӯи ҳамаи ҳодисаҳои нохуш тафтиши техникӣ гузаронида шуда, парвандаҳо ба мақомоти Прократураи шаҳру ноҳияҳо ирсол карда шуданд.
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
