Соли 2020 Кумитаи бехатарии озуқаворӣ ба шахсони ҳуқуқӣ ва воқеӣ 2228 иҷозати воридоти карантинӣ додааст

Февраль 4, 2021 13:20

ДУШАНБЕ, 04.02.2021 /АМИТ «Ховар»/. Имсол аз ҷониби шуъбаи ташхиси фитосанитарӣ ва карантини растании Маркази миллии ташхиси бехатарии озуқавории Кумитаи бехатарии озуқавории назди Ҳукумати Ҷумҳурии Тоҷикистон барои гирифтани иҷозати воридоти карантинӣ ба шахсони ҳуқуқӣ ва воқеӣ баъд аз пешниҳоди ҳуҷҷатҳои дахлдор ба маблағи 387 672 сомонӣ 2228 адад иҷозатнома дода шуда, аз ин ҳисоб маблағи мазкур ба буҷети ҷумҳуриявӣ ворид карда шудааст.

Дар ин бора имрӯз зимни нишасти матбуотӣ раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода ба  намояндагони воситаҳои ахбори омма  хабар дод.

Мавсуф иброз намуд, ки «фаъолият дар самти фитосанитарӣ ва карантини растанӣ ба солимгардонии ҳолати фитосанитарии зироати кишоварзӣ, сари вақт андешидани тадбирҳои карантинию фитосанитарӣ, муҳофизати зироати кишоварзӣ аз зараррасонҳо, касалиҳо ва алафҳои бегона, инчунин ҳимояи ҳудуди ҷумҳурӣ аз хатари воридот ва паҳншавии организмҳои зараррасони карантинӣ аз хориҷи кишвар равона карда шудааст. Ташхиси маводи таҳти карантини воридотӣ ва содиротӣ қарордошта яке аз вазифаҳои асосии Кумита буда, гузаронидани чунин корҳо ба зиммаи шуъбаи ташхиси фитосанитарӣ ва карантини растании Маркази миллии ташхиси бехатарии озуқаворӣ гузошта шудааст».

Ҳамчунин зикр шуд, ки давоми соли 2020 аз тарафи мутахассисони шуъбаи ташхиси фитосанитарӣ ва карантини растании Маркази миллии ташхиси бехатарии озуқаворӣ ҳамагӣ дар 6579 намуна 10795 ташхисҳои гуногун гузаронида шудаанд. Аз ҷумла, 6106 ташхис барои дарёфти зараррасонҳо, 654 ташхис барои дарёфти касалиҳо, 3959 ташхис барои дарёфти тухми алафҳои бегона ва 76 адад ташхис барои дарёфти нематодаҳо гузаронида шудааст.  Барои муайян намудани ҳолати фитосанитарии карантинии минтақаҳои ҷумҳурӣ ва дар оянда пешгирӣ намудани ҳудудҳои паҳншави организмҳои зараррасони карантинӣ мувофиқи нақша таҳқиқот гузаронида шуданд. Инчунин анборҳо, ҷойҳои нигоҳдорӣ ва захиракунии маводи таҳти карантин зери назорати доимии мутахассисон мебошанд.

«Барои вайрон кардани қоидаҳои карантини растанӣ тибқи Кодекси ҳуқуқвайронкунии маъмурии Ҷумҳурии Тоҷикистон нисбат ба шахсони воқеӣ ва ҳуқуқӣ 384 адад парвандаҳои маъмурӣ тартиб дода шуданд»,- афзуд Муҳаммадсаид Файзуллозода.

Дар ҷараёни нишаст зикр шуд, ки аз ҷониби Кумитаи бехатарии озуқавории назди Ҳукумати Ҷумҳурии Тоҷикистон 22 адад марказҳои ташхиси бехатарии озуқаворӣ дар вилоятҳо ва шаҳру ноҳияҳо ва 65 адад озмоишгоҳҳо дар бозорҳои истеъмолӣ мунтазам фаъолият намуда, бо лавозимот, таҷҳизот ва реактивҳои зарурӣ таъмин карда шудаанд.

Февраль 4, 2021 13:20

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд