То 30-юмин солгарди Истиқлоли давлатии Тоҷикистон дар Хатлон 566 муассисаи тандурустӣ бунёд мешаванд

БОХТАР, 02.02.2021 /АМИТ «Ховар»/. То 30-солагии Истиқлоли давлатии Ҷумҳурии Тоҷикистон дар вилояти Хатлон 566 муассисаи тандурустӣ сохта мешаванд. Аз Раёсати тандурустии вилояти Хатлон ба хабарнигори АМИТ «Ховар» хабар доданд, ки то имрӯз аллакай 481 муассиса ба истифода дода шудаанд. 

Дар айни замон, сохтмони 85 иншооти боқимонда дар арафаи анҷомёбист.

Дар вилояти Хатлон 1668 муассисаи тиббӣ, аз ҷумла 52 муассисаи минтақавӣ, 33 беморхона, 11 муассисаи амбулаторӣ, 24 беморхонаи шаҳрӣ, 58 беморхонаи ноҳиявӣ, 22 поликлиникаи ноҳиявӣ, 369 поликлиникаи деҳотӣ ва 709 бунгоҳи фелдшерӣ мавҷуд аст.

Дар муассисаҳои тиббии вилояти Хатлон 35 ҳазору 457 нафар, аз ҷумла 3852 нафар табибон, 18841 нафар ҳамшираҳои шафқат, 7350 нафар кормандони хурди тиббӣ кор мекунанд.

АКС аз бойгонӣ