Автомашинаи муовини вазири кишоварзии Афғонистон ҳадафи ҳамлаи террористӣ қарор гирифт

ДУШАНБЕ, 08.02.2021 /АМИТ «Ховар»/.  Шабакаи иттилоотии Афғонистон TOLOnews бо истинод ба полиси Кобул хабар додааст, ки таркиш тақрибан соати 11:20 дақиқаи имрӯз, 8 феврал, дар минтақаи шаҳраки Умеди пойтахти Афғонистон рух додааст.

Як манбаъ ба TOLOnews гуфтааст, ки таркиш дар ғарби Кобул рух дод ва автомашинае ки дар дохили он Абдулҳодӣ Рофеӣ, муовини вазири кишоварзӣ, обёрӣ ва чорводории Афғонистон қарор дошт, ҳадафи ҳамлаи террористӣ қарор гирифт. Дар натиҷаи таркиш ду нафар захмӣ шудаанд.

Ин дар ҳоле аст, ки ҳамлаҳои ҳадафнок дар Кобул дар ҳафтаҳои охир афзоиш ёфтаанд.

То ҳол ҳеҷ гурӯҳе, аз ҷумла «Толибон» (мамнуъ дар Тоҷикистон) масъулияти ин таркишро бар дӯш нагирифтааст.