ВКХ ҶТ: Масъалаи тавсеаи СҲШ дар рӯзномаи Созмон нест

Февраль 17, 2021 14:36

ДУШАНБЕ, 17.02.2021 /АМИТ «Ховар»/. Масъалаи тавсеаи Созмони Ҳамкории Шанхай (СҲШ) дар рӯзномаи Созмон нест. Дар ин бора Вазири корҳои хориҷии Ҷумурии Тоҷикистон Сироҷиддин Муҳриддин 15 феврал зимни нишасти матбуотӣ дар Душанбе изҳор дошт.

Ба гуфтаи ӯ, масъалаи қабули кишварҳои нав ба Созмон 6-7 солро дар бар мегирад, тавре ки раванди қабули Покистон ва Ҳиндустон буд.

Сироҷиддин Муҳриддин ҳамчунин гуфт, ки имсол 20-умин солгарди таъсиси СҲШ таҷлил мегардад ва масъалаи баргузории беш аз 86 чорабинӣ ба ин муносибат баррасӣ мешавад. Аксари чорабиниҳо дар Тоҷикистон баргузор мегарданд.

Вазири корҳои хориҷии Ҷумҳурии Тоҷикистон инчунин тазаккур дод, ки ҳанӯз маълум нест, ки чорабиниҳо чӣ гуна — бо ҳузури ҳайатҳои кишварҳо ё тариқи видеоконфронс баргузор мешаванд. Ҳамааш аз вазъи эпидемиологӣ вобаста аст ва худи кишварҳо метавонанд шакли ширкатро интихоб кунанд. «Тоҷикистон умед дорад, ки Саммити сарони давлатҳои СҲШ дар Душанбе бо иштироки ҳайати кишварҳои узв ва нозир дар Душанбе баргузор мешавад», — зикр кард Вазири корҳои хориҷӣ.

15 июни соли 2001 дар Шанхай Ҷумҳурии Қазоқистон, Ҷумҳурии Мардумии Чин, Ҷумҳурии Қирғизистон, Федератсияи Россия, Ҷумҳурии Тоҷикистон ва Ҷумҳурии Ӯзбекистон дар бораи таъсиси СҲШ эълон карданд.

Пеш аз он ҳамаи ин кишварҳо, ба истиснои Ӯзбекистон, аъзои панҷгонаи Шанхай буданд.

8-9 июни соли 2017 дар Остона ҷаласаи Шӯрои сарони давлатҳои СҲШ баргузор гардид, ки дар ҷараёни он ба Ҳиндустон ва Покистон мақоми давлати узви Созмон дода шуд.

Чор кишвар — Афғонистон, Беларус, Эрон ва Муғулистон — дар СҲШ мақоми нозир доранд.

 

АКС аз АМИТ «Ховар»

Февраль 17, 2021 14:36

Хабарҳои дигари ин бахш

Дар Душанбе дурнамои ҳамкории Тоҷикистон ва Қазоқистон баррасӣ карда шуд
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Тоҷикистон ва Эрон ҳамкориро дар соҳаи китобдорӣ ва фарҳанг густариш медиҳанд
Тоҷикистон ва Ҷопон масъалаҳои муҳими ҳамкориро баррасӣ намуданд
Дар Душанбе дурнамои равобити Тоҷикистон ва Иттиҳоди Аврупо баррасӣ гардид
9 сентябр шаршараи Ниагара бо рангҳои Парчами давлатии Ҷумҳурии Тоҷикистон фурӯзон хоҳад шуд
Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд