ВКХ ҶТ: Тоҷикистон бо Толибон* гуфтушунид накардааст
ДУШАНБЕ, 16.02.2021/АМИТ «Ховар»/. Мақомоти расмии Тоҷикистон бо Толибон* мулоқот ва гуфтушунид накардааст. Дар ин бора Вазири корҳои хориҷии Тоҷикистон Сироҷиддин Муҳриддин 14 феврал зимни нишасти матбуотӣ ба саволи он ки оё Тоҷикистон бо толибон гуфтушунид кардааст, чунин посух гуфт.
Вазир шарҳ дод, ки Тоҷикистон ҳукумати расмии Афғонистонро дастгирӣ мекунад ва ҷонибдори сулҳу субот дар ин кишвар аст. «Мо мавқеи Ҳукумати ҶИА ва мардуми онро дастгирӣ мекунем», гуфт Сироҷиддин Муҳриддин.
Ба гуфтаи ӯ, вақтҳои охир вазъ дар марзи Тоҷикистон бо Афғонистон муташанниҷ гардидааст, вале он таҳти назорат буда, аз ҷониби неруҳои марзбонӣ ба таври боэътимод ҳифз карда мешавад.
Вазир зикр кард, ки охири моҳи марти соли равон сафари расмии Президенти Ҷумҳурии Исломии Афғонистон Ашраф Ғанӣ ба Душанбе ҷиҳати иштирок дар маросими ифтитоҳи Конфронси 9-уми вазирони «Қалби Осиё — Раванди Истанбул» дар назар аст. Ин конфронс дар якҷоягӣ бо Афғонистон баргузор карда мешавад.
Ёдовар мешавем, ки «Қалби Осиё — Раванди Истанбул»- ташаббуси минтақавии Ҷумҳурии Исломии Афғонистон ва Ҷумҳурии Туркия буда, дар натиҷаи Конфронси байналмилалӣ оид ба Афғонистон дар сатҳи вазирони корҳои хориҷӣ, ки 2 ноябри соли 2011 дар Истанбул баргузор шуд, роҳандозӣ гардид. Айни замон 15 давлат иштирокчии мустақими Раванди Истанбул мебошанд. 16 давлати дигар ва 12 созмони байналмилалӣ ин ташаббусро дастгирӣ мекунанд.
Конфронсҳои қаблии вазирони «Раванди Истанбул» дар Истанбул (2011), Кобул (2012), Алмаато (2013), Пекин (2014), Исломобод (2015), Амритсар (2016) ва Боку (2017) баргузор шуда буданд. Конфронси навбатии вазирон дар пойтахти Тоҷикистон — шаҳри Душанбе ба нақша гирифта шудааст.
АКС аз АМИТ «Ховар»
______________________________________________
* Толибон — гурӯҳи террористие, ки дар Тоҷикистон мамнӯъ аст
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
