Ба Донишгоҳи давлатии Бохтар китоби дарсии «Муомилоти пулӣ ва қарз» тақдим гардид

Март 24, 2021 09:00

ДУШАНБЕ, 24.03.2021 /АМИТ «Ховар»/. Аз ҷониби кормандони Ҷамъияти саҳомии кушодаи «Ориёнбонк» китоби дарсии Шариф Раҳимзода бо номи «Муомилоти пулӣ ва қарз» ба Донишгоҳи давлатии Бохтар ба номи Носири Хусрав тақдим карда шуд.

Тавре аз Донишгоҳи давлатии Бохтар ба АМИТ «Ховар» хабар доданд, дар китоби дарсӣ ташкили дурусти муомилоти пулӣ, муносибатҳои қарзию бонкдорӣ яке аз шартҳои асосии пешбурди иқтисодиёти бозорӣ буда, донистани масъалаҳои марбут ба пулу қарз, тартиби ташкили гардиши самараноки онҳо, шаклҳои муфиди ҳисоббаробаркунӣ ва масъалаҳои дигари ба онҳо вобаста гарави самаранокии фаъолияти бонки марказӣ, бонкҳои тиҷоратию сохторҳои дигари иқтисодӣ мебошанд.

Муаллиф бештар ба тартиби ҳозиразамону пешрафтаи бонкдории ҷаҳонӣ, хусусан аврупоӣ, ки асоси ташкили бонкдорӣ дар кишвари мо мебошад, такя кардааст.

Китоби дарсии мазкур аз ҷониби Шӯрои илмию методии Донишгоҳи давлатии тиҷорати Тоҷикистон ҳамчун дастури таълимӣ барои донишҷӯёни мактабҳои олӣ, муаллимону аспирантон ва мутахассисони соҳаҳои гуногуни иқтисодӣ тавсия шудааст.

Ҳамчунин китоби Қ. Хушвахтзода «Таҳлили фаъолияти хоҷагидории корхона», ки ба муносибати ҷашни 30–солагии Истиқлоли давлатии Ҷумҳурии Тоҷикистон нашр шудааст, ҳамчун туҳфа ба китобхонаи донишгоҳ супорида шуд.

Китоби «Таҳлили фаъолияти хоҷагидории корхона» мутобиқи стандарти давлатии таҳсилоти олии касбӣ аз рӯи ихтисоси «Баҳисобгирии муҳосибӣ, таҳлил ва аудит» тайёр карда шудааст. Дар фасли якуми китоби дарсӣ асосҳои назариявии таҳлили фаъолияти хоҷагидорӣ ҳамчун низоми омӯзиши предмет, вазифа, метод, методика ва таҳлили микроиқтисодиёти корхонаҳо омӯхта шудааст. Фасли дуюми китоби дарсӣ ба методологияи таҳлили иқтисодии комплексии фаъолияти хоҷагидорӣ бахшида шудааст.

Китоби дарсӣ барои донишҷӯёни ихтисосҳои иқтисодии мактабҳои олии Ҷумҳурии Тоҷикистон ва мутахассисони соҳаи иқтисодӣ пешбинӣ шудааст.

 

Март 24, 2021 09:00

Хабарҳои дигари ин бахш

Дар Донишкадаи давлатии фарҳанг ва санъат бо мақсади татбиқи Консепсияи миллии тарбия вохӯрӣ доир шуд
Китобҳои ноширони тоҷик ба Намоишгоҳи байналмилалии «Китоби Абузабӣ» пешниҳод шуданд
Ҳунарманди халқии Тоҷикистон Асланшоҳ Раҳматуллоев аз олам даргузашт
«ДАСТХАТҲОИ ҚАЛЪАИ МУҒ». Нодиртарин ёдгориҳои Тоҷикистон ба рӯйхати «Ҳофизаи ҷаҳонӣ»-и созмони ЮНЕСКО дохил гардиданд
Дар Тоҷикистон ҳунари балети Узбекистон муаррифӣ карда мешавад
Дар Ҷумҳурии Мардумии Чин Рӯзҳои фарҳанги Ҷумҳурии Тоҷикистон оғоз гардид
Дар шаҳри Панҷакент Боғи фарҳангию фароғатии ба номи Абулқосим Фирдавсӣ бунёд карда мешавад
«УМРЕ БО МУСИҚӢ». Дар Душанбе ҳамоиши илмӣ баргузор гардид
«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Ба гиромидошти асосгузори мактаби классикии шеър-мусиқии замони Сомониён Абулаббоси Бахтиёр симпозиуми байналмилалӣ доир шуд
Дар Ҳисор маҳфил-озмуни «Шоҳнома Ватан аст!» оғоз гардид
Директори Хадамоти федералии приставҳои судии Федератсияи Русия бо таъриху тамаддуни тоҷикон шинос шуд