Дар Душанбе масъалаҳои баргузории конфронси вазирони «Қалби Осиё-Раванди Истанбул» баррасӣ гардиданд
![](https://khovar.tj/wp-content/uploads/2021/03/Tajik-Foreign-Minister-and-Afghan-Deputy-Foreign-Minister-01-03-2021.jpg)
ДУШАНБЕ, 01.03.2021 /АМИТ «Ховар»/. 1 март Вазири корҳои хориҷии Ҷумҳурии Тоҷикистон Сироҷиддин Муҳриддин муовини сиёсии Вазорати корҳои хориҷии Ҷумҳурии Исломии Афғонистон Мирвайс Нобро ба ҳузур пазируфт.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни мулоқот ҷонибҳо вазъи кунунӣ ва дурнамои рушди муносибатҳои Тоҷикистон ва Афғонистон ва раванди тадорукот ба сафари расмии Президенти Ҷумҳурии Исломии Афғонистон Муҳаммад Ашраф Ғаниро барои иштирок дар Конфронси 9-уми вазирони корҳои хориҷии «Қалби Осиё-Раванди Истанбул», ки 29-30 марти 2021 дар Душанбе баргузор мегардад, мавриди баррасӣ қарор доданд.
Инчунин 1 март муовини сиёсии Вазири корҳои хориҷии Ҷумҳурии Исломии Афғонистон Мирвайс Ноб бо муовини якуми Вазири корҳои хориҷии Ҷумҳурии Тоҷикистон Хусрав Нозирӣ мулоқот намуд.
АКС аз ВКХ ҶТ