Дар Душанбе мулоқоти Сироҷиддин Муҳриддин бо Султон бин Саъд ал-Мурайхӣ доир шуд
![](https://khovar.tj/wp-content/uploads/2021/03/IMG-6292-31-03-2021-11-48.jpg)
ДУШАНБЕ, 31.03.2021 /АМИТ «Ховар»/. Имрӯз, 31 март дар Душанбе дар ҳошияи Конфронси вазирони «Қалби Осиё-Раванди Истанбул» мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири давлатӣ оид ба корҳои хориҷии Давлати Қатар Султон бин Саъд ал-Мурайхӣ сурат гирифт.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, ҷонибҳо аз рушди муносибатҳои Тоҷикистон ва Давлати Қатар изҳори қаноатмандӣ намуда, зарурати таҳкими ҳамкорӣ байни Душанбе ва Давҳаро таъкид карданд.
Дар охири мулоқот Сироҷиддин Муҳриддин ба роҳбари ҳайати қатарӣ барои иштироки Давлати Қатар дар Конфронси мазкур ба ҳайси меҳмон сипосгузорӣ кард.
АКС аз ВКХ ҶТ