Дар ноҳияи Дарвоз озмуни «Беҳтарин донандаи китоби «Тоҷикон»-и Бобоҷон Ғафуров» доир мешавад
ХОРУҒ, 01.03.2021. /АМИТ «Ховар»/. Ба истиқболи ҷашни 30-солагии Истиқлоли давлатии Ҷумҳурии Тоҷикистон Мақомоти иҷроияи ҳокимияти давлатии ноҳияи Дарвоз барои ҷалби ҳарчӣ бештари хонандагон ба мутолиаи китоби «Тоҷикон»-и Бобоҷон Ғафуров байни сокинони ноҳия озмун эълон кард. Дар озмун наврасону ҷавонон ва калонсолон ширкат карда метавонанд. Озмуни мазкур панҷ моҳ идома ёфта, ғолибони он дар арафаи ҷашни 30-солагии Истиқлоли давлатии Ҷумҳурии Тоҷикистон муайян ва бо туҳфаҳои арзишманд қадрдонӣ карда мешаванд.
Собиқадори меҳнат Ҳайдаршо Насибов ба хабарнигори минтақавии АМИТ «Ховар» гуфт, ки «мутолиаи ин асари безаволу мондагор барои ҳар сокинони кишвар шарт ва зарур аст. Зеро бе огоҳӣ аз таърихи ҳаёти гузаштаи халқи худ ояндаро бунёд кардан ғайриимкон аст. Ин китоб оинаи воқеии халқи тоҷик аст, ки аз даврони ориёиҳо то давраи муосир бо санаду далелҳои таърихӣ собит месозад, ки халқи тоҷик яке аз халқҳои қадимтарини минтақаи Осиёи Марказӣ буда, дар рушду такомули илму фарҳанги ҷаҳонӣ нақши барҷаста гузоштааст. Бо сифати баланд чоп шудани ин асар ва ройгон тақсим кардани он миёни аҳолии Тоҷикистон яке аз хизматҳои бузурги Пешвои миллат барои дарки ҳувияти миллӣ ва хештаншиносию ватандорӣ мебошад. Ман аз наврасону ҷавонон даъват мекунам, ки агар дар дил хоҳиши донистани таърихи комили халқи худро дошта бошанд, ҳатман ин асари таърихиро мутолиа кунанд».
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
Дар муассисаҳои таълимии ноҳияи Данғара даври аввали (муассисавии) Озмуни ҷумҳуриявии «Фурӯғи субҳи доноӣ китоб аст» оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
