Дар шафати шоҳроҳи байналмилалии Кӯлоб-Фархор ва Фархор –Панҷ 120 бех ниҳолҳои ороишӣ шинонида шуданд
![](https://khovar.tj/wp-content/uploads/2021/03/Farhor-niholshinoni-15-03-2021-1024x682.jpg)
ДУШАНБЕ, 17.03.2021 /АМИТ «Ховар»/. Бахшида ба ҷашни Наврӯзи Аҷам ва бо мақсади сабзу хуррам гардонидани шафати шоҳроҳи байналмилалии Кӯлоб-Фархор ва Фархор–Панҷ 120 бех ниҳолҳои ороишӣ шинонида шуданд.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки иқдоми мазкур бо ташаббуси бахши ҳифзи муҳити зист дар ҳамкорӣ бо кормандони Муассисаи нигоҳдории роҳҳои автомобилгарди ноҳияи Фархор амалӣ гардид.
Аз оғози мавсими ниҳолшинонӣ аз ҷониби бахши ҳифзи муҳити зист ва Муассисаи нигоҳдории роҳҳои автомобилгарди ноҳияи Фархор дар шафати роҳҳо 300 бех ниҳолҳои ҳамешасабзу ороишӣ шинонида шудаанд, ки ба сабзу хуррамгардонии маҳал ва тоза нигоҳ доштани ҳифзи муҳити зист мусоидат менамоянд.