Хатсайрҳои нави сайёҳии моҳигирӣ дар ҳамкорӣ бо корхонаву хоҷагиҳои моҳипарварӣ таъсис дода мешаванд
ДУШАНБЕ, 12.03.2021 /АМИТ «Ховар»/. Интизор меравад, ки дар оянда дар Тоҷикистон хатсайрҳои нави сайёҳии моҳигирӣ дар ҳамкорӣ бо корхонаву хоҷагиҳои моҳипарварӣ таъсис дода мешаванд. Ин нукта зимни баргузории ҳамоише, ки имрӯз аз ҷониби Кумитаи рушди сайёҳӣ бо иштироки корхонаҳо, хоҷагиҳои моҳипарварӣ ва ширкатҳои сайёҳии ватанӣ дар Донишкадаи сайёҳӣ, соҳибкорӣ ва хизмати пойтахт созмон дода шуд, иброз гардид. Дар ҳамоиш намояндагони Вазорати кишоварзӣ, Кумитаи ҳифзи муҳити зист, Донишкадаи сайёҳӣ, соҳибкорӣ ва хизмат, зиёда аз 20 корхонаву хоҷагиҳои моҳипарварӣ ва зиёда аз 30 ширкати сайёҳии ватанӣ иштирок доштанд.
Муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода иброз дошт, ки имрӯзҳо бо дастуру ҳидоятҳои Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон дар гӯшаҳои гуногуни кишвар хоҷагиҳои моҳипарварӣ ташкил шудаанд, ки барои рушди сайёҳии моҳигирӣ дар мамлакат имконияти мусоид фароҳам овардаанд. Дар дарёҳои кӯҳӣ ва кӯлҳои табиӣ ширмоҳӣ, гулмоҳӣ, зағорамоҳӣ ва дигар намудҳои моҳиро метавон вохӯрд, ки бо тамъи лазиз ва аз ҷиҳати экологӣ тоза буданашон ҳамто надоранд. Ин ба рушди сайёҳии моҳигирӣ ҳамчун самти афзалиятноку ояндадор дар кишвар саҳми назаррас мегузорад.
Роҳбарони корхонаҳо, хоҷагиҳои моҳипарварии ҷумҳурӣ ва ширкатҳои сайёҳии ватанӣ андешаҳои худро ҷиҳати ба роҳ мондани ҳамкории тарафайн барои фароҳам овардани шароит ва имконияти хуби хизматрасонӣ ҳангоми қабули меҳмонону сайёҳон дар хатсайрҳои сайёҳии моҳигирӣ баён намуданд.
Кумитаи рушди сайёҳӣ ҷиҳати равнақ бахшидани ин навъи сайёҳӣ дар Тоҷикистон ба ширкатҳои сайёҳӣ тавсия намуд, ки бо пешниҳоди хатсайрҳои нави сайёҳии моҳигирӣ дар ҳамкорӣ бо корхонаву хоҷагиҳои моҳипарварии ҷумҳурӣ хизматрасониро барои боздиди сайёҳон беҳтару бештар ба роҳ монанд.
Ёдрас мешавем, ки чанде пеш дар мулоқоти Раиси Кумитаи рушди сайёҳӣ ва раиси вилояти Хатлон дар баробари дигар масъалаҳои рушди сайёҳӣ зикр шуд, ки дар вилоят зиёда аз 70 хоҷагиҳои моҳипарварӣ ва мавзеъҳои моҳидорӣ вуҷуд доранд. Зимни мулоқоти мазкур маҳз тақвият бахшидан ба сайёҳии моҳигирӣ мавриди баррасии ҷонибҳо қарор гирифта буд.
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
Дар Исфара оид ба ташаббусҳои Президенти Тоҷикистон дар рушди сайёҳӣ ҳамоиш баргузор шуд
Дар Федератсияи варзиши сайёҳии Тоҷикистон ҷаласаи ҳисоботӣ – интихоботӣ доир гардид
РОҒУН-ШАҲРИ ПИСАНДИДАИ МЕҲМОНОН. Дар нуҳ моҳ беш аз 7 ҳазор сайёҳони хориҷӣ ва дохилӣ ба тамошои он омаданд
Бахшида ба Рӯзи Президенти Ҷумҳурии Тоҷикистон дар Душанбе хатсайрҳои сайёҳӣ ташкил гардиданд
