МО 198 000 НАФАР ЗИЁД ШУДЕМ! Агентии омор шумораи аҳолии Тоҷикистонро то моҳи январи соли 2021 эълон намуд

Март 4, 2021 13:38

ДУШАНБЕ, 04.03.2021 /АМИТ «Ховар»/. Шумораи аҳолии Тоҷикистон то 1 январи соли 2021 ба 9 миллиону 504 ҳазор нафар расид. Дар ин бора ба АМИТ «Ховар» аз Агентии омори назди Президенти Ҷумҳурии Тоҷикистон хабар доданд.

Зикр карда мешавад, ки афзоиши табиии аҳолии кишвар соли 2020 2% -ро ташкил додааст, яъне шумораи аҳолӣ тахминан 198 ҳазор нафар афзудааст.

Ба ҳамин тартиб, шумораи аҳолии вилояти Хатлон соли гузашта 82,9 ҳазор нафар, ноҳияҳои тобеи ҷумҳурӣ — 49,5 ҳазор, вилояти Суғд — 49,4 ҳазор, Душанбе — 13,3 ҳазор ва ВМКБ — 2,9 ҳазор нафар афзудааст.

Шумораи таваллуд соли гузашта дар ҷумҳурӣ тақрибан 240 ҳазор нафар ва теъдоди фавтидагон тақрибан 42 ҳазор нафарро ташкил дод.

Дар аввали соли равон дар вилояти Хатлон 3 миллиону 425 ҳазор нафар, дар вилояти Суғд 2 миллиону 754 ҳазор нафар, дар ноҳияҳои тобеи марказ 2 миллиону 215 ҳазор нафар, дар Душанбе 880 ҳазор нафар ва дар ВМКБ 231 ҳазор нафар одамон зиндагӣ мекарданд.

Ёдовар мешавем, ки соли 2019 Департаменти иқтисодӣ ва иҷтимоии СММ пешгӯиҳои демографӣ нашр карда буд, ки тибқи он дар тӯли 30 сол шумораи аҳолии ҷаҳон 2 миллиард афзоиш меёбад. Мутобиқи ин дурнамо, шумораи умумии аҳолии Тоҷикистон то соли 2050 тақрибан ба 16 миллион нафар ва то соли 2100 ба 25 миллион нафар хоҳад расид.

АКС аз бойгонӣ

Март 4, 2021 13:38

Хабарҳои дигари ин бахш

Парки саноатии муштараки Тоҷикистону Русия таъсис дода мешавад
Таҳкими ҳамкории «Амонатбонк» бо Бонки давлатии рушди Чин дар Сиан баррасӣ гардид
Ҳайати Тоҷикистон дар муҳокимаи масъалаҳои муҳими иқтисодию молиявӣ дар доираи ИДМ иштирок намуд
Ҷаласаи 21-уми Шурои ҳамоҳангсози байнидавлатии роҳбарони мақомоти назорати суғуртавии ИДМ доир шуд
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст мегардад
Таҳкими ҳамкории гумрукӣ дар ҷаласаи коршиносони Шурои роҳбарони хадамоти гумруки ИДМ баррасӣ гардид
Намояндаи Тоҷикистон дар Форуми иқтисодии Авруосиё 2025 иштирок намуд
Ҳамкории Институти масъалаҳои об, гидроэнергетика ва экологияи Тоҷикистон ва Донишгоҳи захираҳои табиӣ ва илмҳои амалии Австрия густариш меёбад
Барои истифодаи сарфакоронаи неруи барқ дар шаҳру навоҳии тобеи ҷумҳурӣ корҳои фаҳмондадиҳӣ мегузаронанд
Дар Боку Форуми байналмилалӣ доир ба рушди омор оғоз гардид
ҲАҶМИ ИСТЕҲСОЛИ ГӮШТ ДАР ТОҶИКИСТОН 10 ФОИЗ ЗИЁД ГАРДИД. Чаро нархи гӯшт дар бозори истеъмолӣ пайваста боло меравад?
Ҷаласаи нуздаҳуми Кумитаи ҳамоҳангсоз оид ба содагардонии расмиёти савдо баргузор гардид