Роҳбари пешини Шӯрои уламои Кундуз дар ҳамлаи мусаллаҳонаи афроди ношинос дар Кобул кушта шуд

Март 4, 2021 09:43

ДУШАНБЕ, 04.03.2021 /АМИТ «Ховар»/ Афроди мусаллаҳи ношинос субҳи 3 марти соли 2021 Мавлавӣ Файз Муҳаммад Фоиз, раиси пешини Шӯрои уламои Кундуз ва устоди Дорулулуми арабии Кобулро ҳангоми рафтан ба сӯи масҷид бо зарби тир ба қатл расониданд, хабар медиҳад АМИТ «Ховар» бо истинод ба агентии хабарии «Пажвок».

Cухангӯи полиси Кобул Фирдавс Фарамарз зимни баёни ин матлаб ба агентии «Пажвок» гуфтааст, ки ин ҳодиса дар мавзеъи Ҷакшани маҳаллаи 17-уми Кобул тахминан соати 6-и субҳи 3-юми март рух додааст.

Вай илова намуд, ки дар робита ба ин ҳодиса тафтишот оғоз шудааст, аммо то ҳол касе  боздошт нашудааст ва  касе низ масъулияти ҳамларо бар дӯш нагирифтааст.

Дар хабарномае, ки аз сӯи дафтари матбуотии раёсати ҷумҳурӣ ба агентии «Пажвок» расидааст, раиси ҷумҳур дар робита ба ин рӯйдод гуфтааст: «Террористон бо ҳадаф қарор додани ҳамватанони бегуноҳи мо, хусусан уламои динӣ, намояндагони ВАО ва фаъолони ҷомеаи шаҳрвандӣ наметавонанд садои расои ононро дар ростои баёни ҳақоиқ ва мардуд донистани ҷанги таҳмилӣ хомӯш созанд».

Вай гуфтааст, ки шиддат бахшидани хушунатҳо аз ҷониби «Толибон» (мамнуъ дар Тоҷикистон) хилофи инсоният, адолат ва қонуният аст ва идомаи чунин хушунат мухолифи рӯҳияи садоқат ба сулҳ мебошад.

Раиси ҷумҳур ба мақомоти марбута дар мавриди таҳқиқи ҳамаҷонибаи ин ҳодиса, ошкор намудани ҷинояткорон дастур додааст ва ҳамдардии амиқи худро ба оилаи шаҳид Мавлавӣ Файз Муҳаммад Фоиз иброз намудааст.

Март 4, 2021 09:43

Хабарҳои дигари ин бахш

Неруҳои амниятии Афғонистон чанде аз рустоҳои вулусволии Нусайи вилояти Бадахшонро аз «Толибон» бозпас гирифтанд
Шаш корманди полис ва низомиёни амнияти миллӣ дар вилояти Ҳироти Афғонистон кушта шуданд
Раиси Шӯрои уламои вилояти Тахори Афғонистон дар натиҷаи таркиш кушта шуд
Неруҳои Амрико мавзеъҳои «Толибон»-ро дар Қандаҳори Афғонистон бомбаборон карданд
Ашхоси мусаллаҳи ношинос собиқ роҳбари вулусволии Чархи Лӯгарро дар Кобул террор карданд
Автомашинаи устодони Донишгоҳи Бағлони Афғонистон ҳадафи ҳамлаи ҷангҷӯён қарор гирифт
Таркиши навбатӣ дар Кобул боиси маҷрӯҳ шудани 15 нафар гардид
СУТ аз ҳолати даст кашидани чанд мамлакати Иттиҳоди Аврупо аз ваксинаи AstraZeneca ба ташвиш омадааст
ЯК РӮЗ ДАР ТАЪРИХ: 76 сол пеш Неруҳои ҳарбӣ-ҳавоии ИМА пойтахти Японияро бомбаборон карданд
Иҷрокунандаи вазифаи сардори полиси яке аз ноҳияҳои вилояти Ғазнии Афғонистон кушта шуд
Гузоришгари махсуси СММ: Дар Эрон ҳазорон духтарони аз 10 то 14-соларо ба шавҳар медиҳанд
Пӯшидани фаранҷӣ ва ниқоб дар ҷойҳои ҷамъиятӣ дар Швейтсария манъ карда шуд

Маводҳои таҳлилӣ