ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. ҶДММ «Панҷрӯд Панҷ» ба парвариши 22 ҳазор сар «Хайсес ҳувайт» машғул аст
ДУШАНБЕ, 19.04.2021 /АМИТ «Ховар»/. Дар деҳаи Қумсойи Ҷамоати деҳоти «Намуна»-и ноҳияи Панҷ ҶДММ «Панҷрӯд Панҷ» ба парвариши мурғ ва истеҳсоли тухм машғул буда, ҳар рӯз дар корхона ба ҳисоби миёна 18-19 ҳазор дона тухми мурғ истеҳсол мегардад.
Тавре аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд, Раиси вилоят Қурбон Ҳакимзода 17 апрел зимни сафари корӣ ба ноҳияи Панҷ аз фаъолияти ҶДММ «Панҷрӯд Панҷ», ки ба парвариши мурғ ва истеҳсоли тухм машғул аст, дидан намуд.
Ба гуфти роҳбари корхона Ҷамолиддин Зоҳидов, дар корхона 22 ҳазор сар парандаи навъи «Хайсес ҳувайт» парвариш меёбанд. Маҳсулоти корхона дар бозорҳои навоҳии Панҷ, Ҷайҳун, Ҷалолиддини Балхӣ ва шаҳри Бохтар ба фурӯш гузошта мешаванд.
Раиси вилоят Қурбон Ҳакимзода ба масъулин тавсия дод, ки саршумори парандаро то 100 ҳазор сар афзоиш диҳанд, инчунин хуррамгардонии атрофи корхона ва системаи вентилятсионӣ дар дохили парваришгоҳ ба роҳ монда шавад.
Дар доираи сафари худ раиси вилоят аз корхонаи истеҳсоли нон ва маҳсулоти қаннодӣ дидан намуд.
Корхонаи мазкур дар деҳаи Урта-булоқи Ҷамоати деҳоти «Меҳвар» воқеъ буда, дар партави дастуру ҳидоятҳои арзишманди Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати вусъат бахшидан ба корҳои ободонӣ ба ифтихори ҷашни 30-солагии Истиқлоли давлатии Ҷумҳурии Тоҷикистон ҳамчун иншооти ҷашнӣ бунёд гардидааст.
Бино аз 1 ошёна ва аз 6 ҳуҷраи корӣ иборат буда, барои 15 нафар шароити хуби корӣ муҳайё гардидааст.
Сохтмони корхонаи мазкур соли 2020 бо ташаббуси соҳибкори ватанӣ Ҷамшед Соҳибов ва Созмони ҷаҳонии озуқаворӣ оғоз гардида, соли равон ба истифода дода шудааст.
Соҳибкор Ҷамшед Соҳибов бо ҷалби сармояи хориҷӣ (Россия) ва сарфи 1,1 миллион сомонӣ бунёди корхонаро ба анҷом расонидааст.
Корхона алҳол дар як шабонарӯз 1100 адад нон (хлеб) истеҳсол мекунад.
Ҳамчунин дар ноҳияи Панҷ ба ифтихори ҷашни 30-солагии Истиқлоли давлатии Ҷумҳурии Тоҷикистон бинои маъмурии Кумитаи Ҳизби Халқии Демократии Тоҷикистон ба истифода дода мешавад.
Бино аз 2 ошёна ва 7 утоқи корӣ иборат мебошад.
АКСҲО: Шуъбаи иттилоотию таҳлилии дастгоҳи раиси вилояти Хатлон
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд
СОЛҲОИ РУШДИ САНОАТ. «ТАЛКО» таҷассуми ислоҳоти иқтисодӣ дар Тоҷикистон аст
Дар се моҳи соли 2024 кишоварзони вилояти Хатлон ҳаҷми маҳсулоти умумии кишоварзиро ба беш аз 1,3 миллиард сомонӣ расониданд
ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
