Ҳайати вилояти Сурхондарёи Ӯзбекистон аз дарғоти Канали калони Ҳисор дидан намуд
ТУРСУНЗОДА, 22.04.201 /АМИТ «Ховар»/. Ҳайати кории вилояти Сурхондарёи Ҷумҳурии Ӯзбекистон таҳти роҳбарии раиси вилоят Тура Боболов дар доираи ҳамкории байнидавлатӣ ба шаҳри Турсунзода ташриф овард. Дар гузаргоҳи сарҳадии «Дӯстӣ» ҳайати кориро раиси шаҳри Турсунзода Парвиз Акрамзода дар фазои танатанавӣ пешвоз гирифт. Дар ин бора котиби матбуоти раиси шаҳри Турсунзода Фирӯз Холиқов ба хабарнигори АМИТ «Ховар» иттилоъ дод.
Аъзои ҳайати корӣ доир ба ҳамкории судманд дар самти истифодаи самараноки захираҳои обӣ бо раиси шаҳр суҳбат ороста, аз манбаъҳои обии шаҳр ва дарғоти Канали калони Ҳисор дидан намуданд. Дар натиҷаи ҳамкории судманди тарафайн барои тоза намудани каналҳо аз вилояти Сурхондарёи Ҷумҳурии Ӯзбекистон ба Тоҷикистон техника сафарбар гардида, қисмати дар натиҷаи сел зарардидаи дарғоти Канали калони Ҳисор аз таъмир бароварда шуд.
Канали калони Ҳисор яке аз калонтарин шабакаи обёрӣ дар водии Ҳисор ба ҳисоб рафта, аз дарёи Душанбе (Варзоб) сарчашма гирифта, то дарёи Қаратоғ ба масофаи 50 км тӯл кашидааст. Канал замини ноҳияҳои Рӯдакӣ, Ҳисор, Шаҳринав, шаҳри Турсунзода ва заминҳои ноҳияи Деҳнави вилояти Сурхондарёи Ӯзбекистонро бо об таъмин менамояд. Канал солҳои 1938-1942 ба таври дастӣ ва тариқи ҳашар бо иштироки беш аз 100 ҳазор нафар колхозчиён бунёд гардида, 12 сентябри соли 1942 мавриди истифода қарор гирифтааст.
Сафири Тоҷикистон дар мулоқоти Сергей Лавров бо раисони кумитаҳои парламентҳои давлатҳои аъзои СААД иштирок намуд
Президенти Ҷумҳурии Қирғизистон Садир Жапаров бо Сарвазири Ҷумҳурии Тоҷикистон Қоҳир Расулзода мулоқот намуд
Ширкати австриягии «Andritz Hydro GmbH» барои густариши ҳамкорӣ бо Тоҷикистон изҳори омодагӣ кард
Дар Душанбе дурнамои рушди муносибатҳо байни Тоҷикистону Қазоқистон баррасӣ гардид
Сафири Тоҷикистон бо Вазири корҳои дохилии Ҷумҳурии Австрия мулоқот намуд
Дар Берлин имконоти ҳамкории иқтисодии Олмон бо кишварҳои Осиёи Марказӣ баррасӣ шуд
Дар Берлин нахустин нишасти вазирони корҳои хориҷии кишварҳои Осиёи Марказӣ ва Олмон дар қолаби «С5+1» доир гардид
Олимон ва муҳаққиқони тоҷик дар Намоишгоҳи байналмилалии ихтироъкорӣ дар Кувайт соҳиби 10 медал шуданд
Сироҷиддин Муҳриддин ва Йоҳанн Вадефул ҳамкории дуҷониба байни Тоҷикистону Олмонро баррасӣ намуданд
Дар Берлин ҳамкорӣ байни Тоҷикистон ва Иттиҳоди Аврупо баррасӣ гардид
Дар Муассисаи давлатии таҳсилот ва омӯзиши амалии Давлати Кувайт гӯшаи фарҳангии Тоҷикистон ташкил карда шуд
Сафири Тоҷикистон бо Раиси Сенати Олий Мажлиси Узбекистон мулоқот намуд
