Ҷамолиддин Абдуллозода 10 нафар осебдидагони садамаи нақлиётиро аёдат намуд
ДУШАНБЕ, 27.04.2021 /АМИТ «Ховар»/. 26 апрел Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар доираи сафари корӣ ба ноҳияи Дӯстӣ бо вазъи саломатии 10 нафар шаҳрвандоне, ки шоми 24 апрел бар асари оташ гирифтани нақлиёти мусофирбари тамғаи «Хундай-Старекс» ҷароҳат бардоштаанд, шинос шуд.
Тавре аз маркази матбуоти Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, Ҷамолиддин Абдуллозода ҳамзамон бо наздикону пайвандони осебдидагон суҳбат намуда, иброз дошт, ки Вазорат баҳри табобати онҳо тамоми кӯшиш ва талоши хешро равона менамояд.
Мавсуф барои дар сатҳи баланд расонидани хизмати тиббӣ ба осебдидагон ба роҳбарияти беморхонаи мазкур дастуру супоришҳои мушаххас дода, огоҳ намуд, ки табобати онҳо пурра ройгон ба роҳ монда шавад ва ҷараёни табобати онҳо зери назорати бевоситаи Вазири тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.
Инчунин, Вазири тандурустӣ ва ҳифзи иҷтимоии аҳолии Ҷумҳурии Тоҷикистон бо як қатор пайвандони бемороне, ки дар беморхонаи мазкур бистарӣ мебошанд, гуфтугӯи озод анҷом дода, аз онҳо доир ба рафти хизматрасонии тиббии муассисаи мазкур пурсон шуд.
Ёдовар мешавем, ки шоми 24-уми апрели соли 2021 тахминан 19:30 дақиқа мошини тамғаи «Хундай-Старекс», ки онро сокини 32-солаи деҳаи Шараф, ҷамоати деҳоти Зайналободи ноҳияи Рӯдакӣ идора мекард, ба девори бетонии ҳошияи роҳ бархӯрда, чаппа шуда оташ гирифтааст. Дар садамаи мазкур 12 нафар маҷрӯҳ шуда, бо ҷароҳатҳои гуногун дар Беморхонаи марказии Дӯстӣ бистарӣ шуданд ва ду нафарашон бар асари ҷароҳати вазнин ба ҳалокат расидаанд.
Ҳоло вазъи саломатии 10 нафари дигар муътадил арзёбӣ мешавад.
АКС: Вазорати тандурустӣ ва ҳифзи иҷтимоии аҳолии ҶТ
МОҲИ ХАЙРУ ЭҲСОН. Ба маъюбону ниёзмандони ноҳияи Шаҳринав кумаки моддӣ расонида шуд
Дар Тоҷикистон Ҳафтаи аврупоии иммунизатсия гузаронида мешавад
Дар Душанбе масъалаи иҷрои Стратегияи рушди устувори ғизои мактабӣ дар Тоҷикистон баррасӣ гардид
КӮР ЯК БОР АСОЯШРО ГУМ МЕКУНАД! Ба гумроҳоне, ки санг сӯи миллат меандозанд
Ҷамолиддин Абдуллозода дар Конфронси байналмилалӣ роҷеъ ба мубориза бо ВНМО ва некуаҳволии эпидемиологӣ иштирок намуд
Кормандони Сафорати Тоҷикистон аз Боздоштгоҳи муваққатии шаҳрвандони хориҷӣ, воқеъ дар деҳаи Сахаровои шаҳри Москва боздид намуданд
Ҷаримаҳо барои риоя накардани талаботи қонун дар бораи танзими анъана ва ҷашну маросим зиёд карда шуданд
Ҳамкории Тоҷикистон ва Япония дар соҳаи тандурустӣ густариши бештар меёбад
«Сомон Эйр» парвозҳоро дар масири Душанбе-Тошканд зиёд намуд
ОГОҲИИ АГЕНТИИ ОБУҲАВОШИНОСӢ: 21-22 апрел дар Тоҷикистон ҳаво номусоид шуда, борони бошиддат ва жола меборад
Ба беморхонаи марказии ноҳияи Кӯшониён таҷҳизоти нави тиббӣ дастрас гардид
Дар семоҳаи аввал дар Тоҷикистон 223 ҳолати фавқулода рух дода, 8 нафар дар офатҳои табиӣ ба ҳалокат расидаанд
