БА ИҒВОЮ ФИТНА ДОДА НАШАВЕД! Муроҷиати Хадамоти матбуоти Раиси вилояти Суғд
ДУШАНБЕ, 30.04.2021 /АМИТ «Ховар»/. Дар робита ба даргириҳои рӯзи гузашта дар минтақаҳои наздисарҳадии вилояти Суғд Хадамоти матбуоти Раиси вилояти Суғд ба ҳамватанонамон муроҷиат намуда, онҳоро ба сабру тоқат ва дода нашудан ба ҳар гуна иғвою дасисаҳои шабакаҳои иҷтимоӣ даъват намудааст.
Дар муроҷиатнома, аз ҷумла чунин омадааст:
«Ҷумҳурии Тоҷикистон ҳамеша хостори сулҳу субот дар минтақа буд ва мемонад. Даргириҳои мусаллаҳонаи рӯзи гузашта дар марзи Тоҷикистон ва Қирғизистон ҳарду ҷонибро ба ташвиш андохтааст. Бо талоши муштараки роҳбарони идораҳои марбута ҷонибҳо ба мувофиқа расиданд, ки амалиёти ҳарбиро дар минтақаҳои наздисарҳадии Суғд ва Бодканд қатъ карда, неруҳо ва техникаи низомиро аз минтақаҳои наздимарзӣ ба макони ҷойгиршавии доимии худ баргардонанд. Инчунин раванди гуфтушунидро бо мақсади ба эътидол овардани вазъ дар минтақаҳои марзӣ идома диҳанд.
Дар айни замон гурӯҳи кории муштарак даст ба кор шуда, умед аст, ки сулҳу дӯстӣ ғалаба кунад. Ҷониби Тоҷикистон низоми оташбасро риоя мекунад ва айни ҳол дар марз оромист. Дар тамоми ҳудуди шаҳри Исфара ва ноҳияи Бобоҷон Ғафуров оташбас риоя шуда истодааст.
Аммо, мутаассифона, бархе сомонаҳои кишвари ҳамсоя ҳодисаҳои рӯзи гузаштаро асос намуда, ба иғвою дасиса роҳ дода истодаанд.
Бинобар ин, даъват мекунем, ки пеши роҳи ҳама гуна иғвову фитнаангезӣ, ки тавассути бархе расонаҳои хабарии ҳамсоягон роҳандозӣ шудааст, гирифта шавад.
Иттилоъ дар ин бора бояд аз манбаъҳои муътамад гирифта шуда, истифода гардад, на аз овозаҳои беасос».
АКС аз Хадамоти матбуоти Раиси вилояти Суғд
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид
