Буланова аз суруди Манижа дар Евровидение — 2021 ба ваҷд омад

Апрель 12, 2021 11:23

ДУШАНБЕ, 12.04.2021 /АМИТ «Ховар»/. Овозхони рус Татяна Буланова гуфт, ки иштироки Манижаро дар озмуни Евровидение — 2021 комилан дастгирӣ мекунад, хабар медиҳад радиои «Комсомолская правда».

Сароянда аз он шод аст, ки имсол маҳз Манижа дар озмуни байналмилалӣ композитсияро ба забони русӣ иҷро мекунад. Буланова ҷонибдорӣ  карда, гуфт ки хислатҳои қавииродагию  босуботии Манижа барои ӯ бисёр хушоянд мебошанд ва вай «мусиқанавози олиҷаноб ва дорои овози форам  аст».  

Ва худи суруди «Зани рус», ки барои он бадхоҳони Манижа зиёд шуданд, ба ӯ писанд аст. Илова бар ин, Татяна Буланова изҳор кард, ки ба қарибӣ тамошобинон ва шунавандагон метавонанд кори якҷояи онҳоро баҳо диҳанд ва суруди навро эълон кард.

«Ман таҷриба карданро дӯст медорам. Ва ҳамин тавр, мо якҷоя бо ӯ як чизи ҷолибе сохтем. Дарвоқеъ, вай худаш маро пайдо кард», — шарҳ дод сароянда.

Ба гуфтаи сарояндаи ботаҷриба, композитсияи муштарак «мусбат ва ҷолиб» баромад. Наздиконе, ки аллакай офаридаи моро шунидаанд, онро мусбат арзёбӣ мекунанд ва писари хурдии Буланова  аз он ба ваҷд омадааст.

Аммо дар айни замон, ӯ зикр кард, ки бинобар серкории  ҳамкасбаш дар Евровидение — 2021, «ба дунёи равшан баровардан» –и композитсия ба таъхир гузошта шудааст. Ва ҳоло Буланова омода аст, ки Манижаро  мухлисӣ кунад.

Буланова дар хулоса гуфт, ки суруди «Зани рус» ба масъалаҳои муҳим дахл менамояд ва аз ҳама муҳим — онҳоро дар шакли шӯхиомез пешниҳод мекунад.

Дар айни ҳол сароянда ёдовар шуд, ки довталабони қаблӣ барои иштирок дар озмун- мусиқачиёни гурӯҳи Little Big низ ба хашми тамошобинон дучор шуда буданд.

Аммо баъдтар гурӯҳро эътироф карданд ва аз ин рӯ, дар мавриди ҳолати ба сари Манижа омада Буланова боварӣ дорад, ки ба зудӣ мусиқии ӯро қадр хоҳанд кард.

Манижа дар Евровидение — 2021

Озмуни сурудҳои Евровидение-2021, ки ҳунармандони кишварҳои мухталифро гирди ҳам меорад, 18-22 май дар Ahoy Arena дар Роттердами Нидерланд баргузор мешавад. Дар он сарояндагон аз 41 давлат ширкат меварзанд.

Россияро дар Евровидение-2021 зодаи Тоҷикистон- Манижа муаррифӣ мекунад. Дар озмун сароянда композитсияи «Зани рус» -ро иҷро мекунад. Тамошобинони Шабакаи аввал ҳангоми интихоби миллӣ ба ҷонибдории суруд ва ҳунарманд овоз доданд.

Суруди «Зани рус» вокуниши васеи ҷамъиятӣ ба бор овард. Мавҷи интиқоди шадид ба сари Манижа сарозер шуд, аз ҷумла аз ҷониби вакилони Думаи давлатӣ низ. Онҳо изҳор мекунанд, ки матни суруд арзишҳои «зиддироссиягиро» -ро таблиғ мекунад.

Илова бар ин, Кумитаи тафтишот низ ба суруд диққати ҷиддӣ зоҳир кардааст. Ҳоло матни сурудро «барои таҳқири дағалона ва резонидани обрӯи  инсонии занони рус» тафтиш мекунанд.

АКС аз манбаъҳои озод

Апрель 12, 2021 11:23

Хабарҳои дигари ин бахш

Ҳайати намояндагони Ҳизби Коммунистии Чин аз тамошои Қалъаи Ҳисор таассуроти нек бардошт
Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
Дар Осорхонаи миллӣ ба ифтихори Рӯзи таъсиси Шоҳигарии Арабистони Саудӣ намоиши аксҳо баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Дар Теҳрон шоми муштараки фарҳангии Тоҷикистон ва Эрон баргузор гардид
Сарбозону афсарон дар Осорхонаи миллӣ бо таъриху тамаддуни қадимии тоҷикон шинос гардиданд
21 ФЕВРАЛ-РӮЗИ БАЙНАЛМИЛАЛИИ ЗАБОНИ МОДАРӢ. Забони тоҷикӣ аз ҷиҳати ғановат ва сермаъноии калимаҳо байни забонҳои хурду бузурги дунё мақоми аввалро доро мебошад
Бахшида ба Рӯзи байналмилалии забони модарӣ дар Институти забон ва адабиёти ба номи Рӯдакӣ ҳамоиш доир шуд
Масъалаи баланд бардоштани соҳаи фарҳанг дар ноҳияи Ишкошим баррасӣ гардид
Муассисаи давлатии «Тоҷикфилм» бо синамогарони хориҷӣ филмҳои муштарак ба навор мегирад
«ИСТИҚЛОЛ ВА РУШДИ ЗАБОНИ МОДАРӢ». Бахшида ба Рӯзи байналмилалии забони модарӣ дар Душанбе ҳамоиш доир шуд
«ЗИНДА КУН АЗ САДОИ МАН ХОКИ ҲАЗОРСОЛАРО…». Давлатманд Холов дар ҷодаи мусиқӣ ва санъат яке аз нобиғаҳои барҷастаи Шарқ ба шумор меравад