Дар назар аст, ки Рӯзҳои фарҳанги Тоҷикистон дар Амороти Муттаҳидаи Араб баргузор шаванд

Апрель 29, 2021 10:11

ДУШАНБЕ, 29.04.2021 /АМИТ «Ховар»/. Соли 2020 бояд Рӯзҳои фарҳанги Тоҷикистон дар Амороти Муттаҳидаи Араб доир мегардиданд, вале бинобар сабаби паҳн гаштани бемории сироятии коронавирус он мавқуф гузошта шуд. Имрӯзҳо ин масъала дар сатҳи Ҳукумати ҷумҳурӣ мавриди баррасӣ қарор дорад. Дар сурати ҳалли мусбати он дар назар аст, ки моҳи декабри ҳамин сол Рӯзҳои фарҳанги Тоҷикистон дар Амороти Муттаҳидаи Араб баргузор шаванд.

Ин нуктаро Вазири фарҳанги Ҷумҳурии Тоҷикистон Зулфия Давлатзода 26 апрел зимни  мулоқоти фосилавӣ (онлайнӣ) бо Вазири фарҳанг ва ҷавонони Амороти Муттаҳидаи Араб Нура ал-Каъбӣ баён намуд.

Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, ҷонибҳо дар ҷараёни мулоқот маҷмӯи васеи самтҳои ҳамкории фарҳангиро мавриди баррасӣ қарор доданд. Зикр гардид, ки ҳамкорӣ миёни Ҷумҳурии Тоҷикистон ва Амороти Муттаҳидаи Араб беш аз пеш рушд меёбад, ки ин аз заҳмату талошҳои роҳбарияти олии ҳар ду давлат дарак медиҳад.

Вазири фарҳанг ва ҷавонони Амороти Муттаҳидаи Араб Нура ал- Каъбӣ доир ба фарҳанги муштараки Аморот ва Тоҷикистон,  рушду инкишофи ҳамкории фарҳангӣ, рафтуомади сайёҳони кишвараш ба Тоҷикистон ва дигар паҳлӯҳои ҳамкории фарҳангӣ ибрози ақида намуд.

Дар ҷараёни мулоқот гуфта шуд, ки тарафҳо лоиҳаи Ёддошти тафоҳум оид ба ҳамкорӣ дар соҳаи фарҳанг миёни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб ва баргузории Рӯзҳои фарҳанги Тоҷикистон дар Аморотро баррасӣ ва бо роҳҳои дипломатӣ ба ҳар ду ҷониб ирсол хоҳанд кард.

Аксҳо аз Вазорати фарҳанги ҶТ

Апрель 29, 2021 10:11

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад