Дар Тоҷикистон иҷрои нақшаи даъвати баҳории ҷавонон ба хизмати ҳатмии ҳарбӣ ба 45 фоиз баробар шуд
ДУШАНБЕ, 05.04.2021 /АМИТ «Ховар»/. Тавре қаблан хабар дода будем, аз 1 апрели соли равон даъвати навбатии шаҳрвандони солҳои таваллуди 1994-2003 Ҷумҳурии Тоҷикистон ба хизмати ҳатмии ҳарбӣ дар тамоми шаҳру ноҳияҳои мамлакат муташаккилона оғоз ёфта, иҷрои даъвати баҳории шаҳрвандон ба хизмати ҳатмии ҳарбӣ то имрӯз дар маҷмӯъ ба 45 фоиз баробар гаштааст. Дар ин бора сардори маркази матбуоти Вазорати мудофиаи мамлакат, полковник Фаридун Маҳмадализода ба хабарнигори АМИТ «Ховар» хабар дод.
-Миёни дигар минтақаҳо дар баробари ВМКБ шаҳри Душанбе пешсаф мебошад. Дар 4 ноҳияи пойтахт иҷрои маъракаи даъват ба 64 фоиз баробар аст. Мавриди зикр аст, ки дар маҷмӯъ, 13 шаҳру ноҳия аз иҷрои пурраи маъракаи хизмат хабар додаанд,-афзуд Фаридун Маҳмадализода.
Мавсуф зикр кард, ки дар рӯзи нахустини ҷараёни ин маъракаи муҳими сиёсӣ аввалин шуда дар ҷумҳурӣ шаҳру ноҳияҳои Вилояти Мухтори Кӯҳистони Бадахшон аз иҷрои пурраи нақшаи даъват гузориш доданд.
Ба ҳамин тартиб иҷрои нақшаи даъват дар вилояти Суғд 35 фоизро ташкил дода, ноҳияи Шаҳристони ҳамин минтақа аз иҷрои нақшаи пурраи даъват гузориш дод.
Ҳамзамон дар вилояти Хатлон чорабиниҳои даъватӣ муташаккилона идома дошта, иҷрои нақша дар ҳудуди шаҳру ноҳияҳои вилоят ба 35 фоиз баробар аст. Аз байни дигар шаҳру ноҳияҳои вилояти Хатлон аввалин шуда, ноҳияи Носири Хусрав ва баъдан Шамсиддини Шоҳин маъракаи даъватро пурра ианҷом доданд.
Ҷараёни ин маъракаи муҳими сиёсӣ -даъвати ҷавонписарон ба сафи Қувваҳои мусаллаҳ дар шаҳру ноҳияҳои тобеи ҷумҳурӣ низ бо мааром идома дошта, иҷрои нақша дар ин минтақа 59 фоизро ташкил медиҳад. То ин муддат ноҳияҳои Сангвор ва шаҳрҳои Ваҳдату Шаҳринав аз иҷрои пурраи даъват гузориш доданд.
Ёдовар мешавем, ки ҳамасола дар Ҷумҳурии Тоҷикистон даъвати баҳорӣ ба сафи Қувваҳои Мусаллаҳ аз якуми апрел оғоз гардида, то охири моҳи май идома меёбад ва даъвати тирамоҳӣ аз аввали моҳи октябр шурӯъ гардида, охири моҳи ноябр ба анҷом мерасад
Акс аз бойгонӣ
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
