Давлатшоҳ Гулмаҳмадзода дар ҷаласаи ҷамъбастии Вазорати кишоварзӣ оид ба натиҷаҳои фаъолият дар семоҳаи якум иштирок намуд

Апрель 22, 2021 14:25

ДУШАНБЕ, 22.04.2021 /АМИТ «Ховар»/. Ҷаласаи ҳайати мушовараи Вазорати кишоварзии Ҷумҳурии Тоҷикистон оид ба ҷамъбасти натиҷаи фаъолият дар семоҳаи якуми соли равон 21 апрел баргузор гардид, ки  дар кори он муовини Сарвазири Ҷумҳурии Тоҷикистон Давлатшоҳ Гулмаҳмадзода иштирок намуд.

Тавре аз шуъбаи матбуот ва иттилооти Вазорати кишоварзии Ҷумҳурии Тоҷикистон ба АМИТ «Ховар» хабар доданд, дар ҷаласа зикр гардид, ки мувофиқи маълумоти оморӣ, дар 3 моҳи соли равон дар ҳамаи шаклҳои хоҷагидорӣ ҳаҷми умумии маҳсулоти кишоварзӣ ба 1833,0 миллион сомонӣ расонида шуд, ки нисбат ба ҳамин давраи соли гузашта 6,1 фоиз зиёд мебошад. Афзоиш дар соҳаҳои растанипарварӣ ва чорводорӣ мутаносибан 42,4 ва 5,6 фоизро ташкил медиҳад.

Гуфта шуд, ки дар ҳамаи шаклҳои хоҷагидорӣ дар ВМКБ ҳаҷми умумии маҳсулоти кишоварзӣ ба 47,5 миллион сомонӣ расонида шуд, ки нисбат ба ҳамин давраи соли гузашта 1,3 фоиз зиёд мебошад. Афзоиш дар соҳаи чорводорӣ 1,3 фоизро ташкил медиҳад.

Дар вилояти Суғд дар ҳамаи шаклҳои хоҷагидорӣ ҳаҷми умумии маҳсулоти кишоварзӣ ба 691,2 миллион сомонӣ расонида шуд, ки нисбат ба ҳамин давраи соли гузашта 7,0 фоиз зиёд мебошад. Афзоиш дар соҳаҳои растанипарварӣ ва чорводорӣ мутаносибан 12,2 ва 7,0 фоизро ташкил медиҳад.

Дар вилояти Хатлон дар ҳамаи шаклҳои хоҷагидорӣ ҳаҷми умумии маҳсулоти кишоварзӣ ба 727,7 миллион сомонӣ расонида шуд, ки нисбат ба ҳамин давраи соли гузашта 7,1 фоиз зиёд мебошад. Афзоиш дар соҳаҳои растанипарварӣ ва чорводорӣ мутаносибан 72,7 ва 5,9 фоизро ташкил медиҳад.

Дар ноҳияҳои тобеи ҷумҳурӣ дар ҳамаи шаклҳои хоҷагидорӣ ҳаҷми умумии маҳсулоти кишоварзӣ ба 366,5 миллион сомонӣ расонида шуд, ки нисбат ба ҳамин давраи соли гузашта 3,1 фоиз зиёд мебошад.

Ҳамчунин иштирокдорон иброз намуданд, ки афзоиш дар соҳаи чорводорӣ ба андозаи 3,2 фоиз зиёд гардида, дар соҳаи растанипарварӣ 3,3 фоиз коҳиш ёфтааст, ки ин аз ҳисоби дар шаҳри Ҳисор ба андозаи 31,5 фоиз ва ноҳияи Рӯдакӣ 4,1 фоиз коҳиш ёфтани истеҳсоли сабзавот мебошад.

Муовини Сарвазири Ҷумҳурии Тоҷикистон Давлатшоҳ Гулмаҳмадзода пас аз шунидани гузориш оид ба натиҷаҳои фаъолияти Вазорати кишоварзӣ дар семоҳаи соли 2021 ва таҳлилҳои соҳа иброз дошт, ки корҳо дар ҳамаи самтҳои кишоварзӣ ҷонноктар карда шаванд.

Ҳамзамон аз ҷониби роҳбарони раёсатҳо ва муассисаҳои зертобеи вазорат дар бораи фаъолияташон ҳисобот пешниҳод гардид.

Апрель 22, 2021 14:25

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст