Хабарнигори АМИТ «Ховар» дар Озмуни ҷумҳуриявии «Табобати комили сил имконпазир аст» сазовори ҷоиза гардид
ДУШАНБЕ, 27.04.2021 /АМИТ «Ховар»/. Имрӯз дар маросими ҷоизасупории озмуни ҷумҳуриявӣ таҳти унвони «Табобати комили сил имконпазир аст» хабарнигори АМИТ «Ховар» Нарзулло Ализода аз беҳтаринҳо дониста шуда, бо ҷоиза ва сертификати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Лоиҳаи USAID оид ба барҳам додани бемории сил дар Осиёи Марказӣ қадрдонӣ карда шуд.
Дар маросими супоридани ҷоиза муовини аввали Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, директори Муассисаи давлатии Маркази ҷумҳуриявии ҳимояи аҳолӣ аз бемории сил Аслиддин Раҷабзода ва директори иҷроияи миссияи USAID дар Тоҷикистон Кит Симонс иштирок намуданд.
Тибқи хулосаи ҳакамони озмун, хабарнигор Хуршед Фозилов ғолиби бахши «Маводи беҳтарин дар сомонаи интернетӣ», хабарнигори Радиои «Тоҷикистон» Идигули Раҷаб ғолиби бахши «Беҳтарин барномаи радиоӣ» ва сармуҳаррири идораи барномаҳои ҷавонӣ, варзиш, занон ва оилаи «Телевизиони Тоҷикистон» Беҳрузи Одина ғолиби бахши «Беҳтарин намоиши телевизионӣ» дониста шуда, бо сертификат ва туҳфаҳо қадрдонӣ шуданд.
Инчунин барои пешниҳоди маводи ҷолиб дар бахшҳои мазкур хабарнигори АМИТ «Ховар» Нарзулло Ализода, хабарнигори ҳафтаномаи «Тоҷикистон» Бахтовар Сафаров, журналисти телевизиони «Диёр»-и вилояти Суғд Фирӯза Мирҷумаева, хабарнигори радиои «Садои Душанбе» Гулнора Насриддинова ва хабарнигори маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Хусрав Шосаидов сазовори сертификат гардиданд.
Ёдовар мешавем, ки яке аз вазифаҳои муҳим дар самти тандурустӣ дар чаҳорчӯби Ҳадафҳои рушди устувор дар он ифода меёбад, ки то соли 2030 ба сирояти бемории сил бояд хотима дода шавад. Дар робита ба ин Созмони умумиҷаҳонии тандурустӣ пеши худ мақсад гузоштааст, ки то соли 2035 ба коҳиши шумораи фавти одамон аз бемории сил то 95% ва паст кардани сатҳи гирифторӣ ба ин беморӣ то 90% даст ёбад. Ин метавонад сатҳи гирифторӣ ба ин бемориро миёни мардум коҳиш диҳад.
Бемории сил табобатшаванда буда, сабаби асосии паҳншавии он паст будани сатҳи маърифатнокии аҳолӣ оид ба ин беморӣ мебошад.









Дар Душанбе даври ҷумҳуриявии озмуни «Библиомарафон» баргузор гардид
Дар Бохтар даври вилоятии Озмуни ҷумҳуриявии «Ҳунарманди сол» баргузор шуд
Ҳунармандони тоҷик дар Фестивали сеюми ҷаҳонии фарҳангии Карочӣ иштирок намуданд
Китоби «Забони миллат — ҳастии миллат»-и Президенти Тоҷикистон бо нуҳ забони хориҷӣ тарҷума ва нашр карда шуд
Ҳамкории Осорхонаи миллӣ бо муассисаҳои соҳавии Ҷумҳурии Корея густариш меёбад
Дар шаҳри Хуҷанд Фестивали оши палав ҷамъбаст шуд
Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид






