«МАН НАМЕГУЗОРАМ, КИ МАРО ШИКАНАНД». Посухи шадиди Манижа ба танқидгарон
ДУШАНБЕ, 12.04.2021 /АМИТ «Ховар»/. Овозхони зодаи Тоҷикистон Манижа Сангин, ки Россияро дар Евровидение-2021 бо суруди «Зани рус» муаррифӣ мекунад, ба афроде, ки ӯро танқид ва ба ӯ ҳамла мекунанд, эътирози шадид кард, менависад АМИТ «Ховар» бо истинод ба агентии хабаргузории русии «Sputnik».
Ҳангоми муколама бо нашрияи бритониёии «The Guardian», Манижа изҳор кард, ки рӯзҳои аввал таҳаммули танқидҳо барояш душвор буд.
Вай гуфт, ки дар аввал ҳатто аз ҷой бархостан ва ба занги телефон ҷавоб додан барояш душвор буд. Вале ин монеаҳо ӯро танҳо обутоб медиҳанд.
«Ман ба худ имкони шикастан намедиҳам. Агар ман тоқат намекардам ва зери фишори «бадхоҳон» мешикастам, гиряро сар медодам, дуо мекардам, ки ба ман раҳм кунанд, пас бо ин тартиб нишон медодам, ки ҳамаи гуфтаҳои онҳо ҳақиқат дорад», — нақл кард овозхон ба хабарнигорон.
Зодаи Тоҷикистон илова кард, ки ба танқидҳо нигоҳ накарда, минбаъд низ мусиқӣ эҷод хоҳад кард.
«Ман мехоҳам мусиқиҳои гуногун эҷод ва иҷро кунам, то рӯзе касе, дар ҳар жанре ки бошад, суруди маро бишунавад ва бигӯяд: «Ин Манижа аст, хайр чӣ, вай метавонад инро ба худ иҷозат бидиҳад», — гуфт сароянда бо ханда.
Манижа илова кард, ки муборизаро бо бегонаситезӣ дар ҷомеа ба қадри тавоноӣ ва қобилияти худ идома медиҳад ва зикр кард, ки маҳз интихоб ба Евровидение — 2021 ва мавҷи интиқодҳое, ки ба сӯи ӯ сарозер шуданд, аҷиб бошад ҳам, ба ӯ имкон дод, ки воқеан худро зани рус эҳсос кунад.
Озмуни сурудҳои Евровидение — 2021, ки ҳунармандони кишварҳои мухталифро гирди ҳам меорад, 18-22 май дар саҳнаи Ahoy Arena баргузор мешавад.
Россияро дар Евровидение — 2021 зодаи Тоҷикистон- Манижа муаррифӣ мекунад. Дар озмун сароянда композитсияи «Зани рус» -ро иҷро мекунад. Тамошобинони Шабакаи аввал ҳангоми интихоби миллӣ ба ҷонибдории суруд ва ҳунарманд овоз доданд.
Суруди «Зани рус» вокуниши васеи ҷамъиятӣ ба бор овард. Мавҷи интиқодҳои шадид ба сари Манижа сарозер шуд, аз ҷумла аз ҷониби вакилони Думаи давлатӣ низ. Онҳо изҳор мекунанд, ки матни суруд арзишҳои «зиддироссиягиро» -ро таблиғ мекунад.
Илова бар ин, Кумитаи тафтишот низ ба суруд таваҷҷуҳи ҷиддӣ зоҳир кардааст. Ҳоло матни сурудро «барои таҳқири дағалона ва резонидани обурӯи инсонии занони рус» тафтиш мекунанд.
АКС аз манбаъҳои озод
22 июл дар Тоҷикистон нишастҳои матбуотии вазорату идораҳо оғоз мегарданд
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
