Ғолибони озмуни Ассамблеяи байналмилалии пойтахтҳо ва шаҳрҳои калон «Шаҳр дар оинаи ВАО-2020» бо дипломҳо сарфароз шуданд

ДУШАНБЕ, 27.04.2021 /АМИТ «Ховар»/. Дипломҳои ғолибони озмуни IX байналмилалии МАГ «Шаҳр дар оинаи ВАО-2020», ки дар доираи Форуми байналмилалии «Мегаполиси асри XXI» баргузор гардид, аз ҷониби Ассамблеяи байналмилалии пойтахтҳо ва шаҳрҳои калон ба Тоҷикистон фиристода шуданд.

Маросими мукофотонидани ғолибон — муаллифони мақолаҳое, ки дар Нашрёти Ҳукумати Ҷумҳурии Тоҷикистон «Народная газета» чоп шудаанд, 27 апрел дар идора  баргузор гардид.

Сармуҳаррири нашрия Маҳбуба Камолова ба муовини директори Корхонаи давлатии «Шарқи Озод» -и Дастгоҳи иҷроияи Президенти Ҷумҳурии Тоҷикистон Умар Шерхонов барои мақолае бо номи «Дили модар» дар бахши «75-умин солгарди Ғалабаи бузург. Мо дар ёд дорем ва фахр мекунем!»» дипломи дараҷаи дуввумро ботантана супурд.  Дар номинаи «Шаҳри ҳушманд — шаҳри бехатар» муҳаррири шуъба Лутфия Эшонқулова барои мақолаи «Қаҳрамонони ин баҳор» сазовори чунин диплом гардид.

Ҳакамон ба мақолаҳои «Народная газета» бахшида ба 75-умин солгарди Ғалаба дар Ҷанги Бузурги Ватанӣ, ободонии пойтахт ва одамоне, ки ба табибон дар мубориза бо коронавирус кумак мерасонанд, баҳои баланд доданд.

ДАР АКС: ғолибони озмун пас аз супоридани дипломҳо дар идораи «Народная газета». Акс аз «НГ»

Ёдовар мешавем, ки нашрия дар ин озмун ҳашт ҷоиза ба даст овард.

Аз ҷумла, муаллифони хориҷии «Народная газета» — Олег Соболев барои мақолааш таҳти унвони «Ин мо будем, ки фашистонро мағлуб кардем» дар бахши «Ғалабаи бузург — 75 сол. Мо дар ёд дорем ва фахр мекунем!» ҷои аввалро гирифт. Нависанда-рӯзноманигор Владимир Фролов ба шарофати мақолаи «Фармондеҳи афсонавии эскадрон аз Доробӣ» ин ҷойро бо ӯ бо ҳам дид.

Дар ҳамин номина ҷои дуюм насиби собиқадори мақомоти амнияти давлатии Ҷумҳурии Тоҷикистон Эркин Муҳиддинов барои мақолаи «Корнамоии ҷовид», муаллим, доктори илмҳои педагогӣ Умарҷон Юлдошев — барои «Корнамоии табибон дар давраи Ҷанги Бузурги Ватанӣ», арбоби ҷамъиятии Ҷумҳурии Тоҷикистон Рафиқа Мӯсоева — барои «Таърихи сарбоз» гардид.

Инчунин хабарнигори «НГ» Сайидо Назаров бо мақолаи «Душанбе — шаҳри сулҳ» дар номинаи «Шаҳри ҳушманд — шаҳри бехатар» мақоми аввалро касб кард.

Ба озмун лоиҳаҳои татбиқшудаи журналистӣ дар телевизион, радио ва инчунин ВАО-и чопӣ ва Интернет, ки ба таҳкими обрӯи маъмурияти шаҳр, паҳн намудани таҷрибаи пешқадам дар рушди устувори шаҳр ва баланд бардоштани моҳияти фаъолияти ВАО мусоидат мекунанд, пешниҳод шуда буданд. Дар маҷмӯъ, 25 шаҳр аз 4 кишвари ИДМ — Россия, Беларус, Қазоқистон ва Тоҷикистон дар 5 номинаи Озмуни байналмилалӣ ширкат варзиданд.

«Шаҳр дар оинаи ВАО» 53 воситаи ахбори оммаро ҷалб кард. ВАО -и Душанбе, Қазон, Новосибирск, Нижний Новгород, Симферопол ва Ставропол бештар фаъол буданд.

Ҳангоми арзёбии асарҳои номзадҳо ҳакамон ба муҳимият, пурмазмунӣ ва дурахшонии мавод, аслӣ будан услуби иншо эътибор доданд. Онҳо инчунин натиҷаҳои амалии татбиқи барномаҳои рушди шаҳрӣ, фароҳам овардани муҳити бароҳати шаҳрӣ ва баланд бардоштани сифати зиндагии аҳолиро ба инобат гирифтанд.

Эълони ғолибони Озмуни IX байналмилалӣ 11 март дар шакли конфронси онлайн сурат гирифт.

                                                         АКС аз бойгонӣ