«Сомон Эйр» дар парвози аввалини мунтазам 184 мусофирро ба пойтахти Россия расонид
ДУШАНБЕ, 05.04.2021 /АМИТ «Ховар»/. Ширкати ҳавопаймоии «Сомон Эйр» 4 апрел дар масири Душанбе-Москва нахустин парвози мунтазам анҷом дода, 184 нафар мусофирро ба пойтахти Россия — шаҳри Москва расонид.
Маркази матбуоти ширкати «Сомон Эйр» иттилоъ медиҳад, ки аввалин парвози мунтазам дар масири Душанбе-Москва рӯзи якшанбе муваффақона анҷом дода шуд. Тибқи маълумоти фурудгоҳи байналмилалии Домодедово, ҳавопаймои «Сомон Эйр» соати 16:45 ба вақти маҳаллӣ ба пойтахти Россия фуруд омад.
Парвози навбатии ширкати ҳавопаймоии ватанӣ — «Сомон Эйр» дар хатсайри Душанбе-Москва пагоҳ, 6 апрел сурат мегирад. Манбаъ иттилоъ медиҳад, ки арзиши чипта дар масири Душанбе-Москва барои як тараф 349 доллар ва барои бозгашт 150 доллар муайян гардидааст.
Бояд зикр кард, ки Федератсияи Россия шурӯъ аз 1 апрел парвозҳои мунтазами ҳавоиро бо шаш кишвари ҷаҳон, аз ҷумла Тоҷикистон, Ӯзбекистон, Германия, Венесуэла, Сурия ва Шри Ланка ба роҳ монд.
Тибқи иттилои Агентии авиатсияи граждании назди Ҳукумати ҷумҳурӣ, парвозҳои мунтазами ҳавоиро дар хатсайри Душанбе-Москва-Душанбе ва Москва –Душанбе –Москва ширкати ҳавопаймоии Тоҷикистон «Сомон Эйр» ва ширкати ҳавопаймоии Россия «UTair» иҷро менамоянд. Парвозҳо ҳафтае ду маротиба сурат гирифта, рӯзи сешанбе «Сомон Эйр» ва рӯзи ҷумъа «UTair» онро анҷом медиҳанд.
Акс аз манбаъҳои боз
Санаи оғози моҳи шарифи Рамазон дар Тоҷикистон муайян шуд
ВКД Федератсияи Россия қонуне таҳия мекунад, ки ба муҳоҷирон имкон медиҳад буду боши худро дар Россия қонунӣ гардонанд
Агентии авиатсияи гражданӣ ширкатҳои ҳавопаймоии «СомонЭйр» ва «UTair»-ро ҳушдор дод, ки нархи чиптаро беасос боло набаранд
Дар Конибодом ва Мастчоҳ хонандагон соҳиби ҳуҷҷати асосии тасдиқкунандаи шахсият – шиноснома гардиданд
Дар Ҷамоати деҳоти Ворух курсҳои кӯтоҳмуддати омӯзишии ройгон барои бонувон ба роҳ монда шуданд
Кумитаи ҳолатҳои фавқулода ва мудофиаи гражданӣ аз ҳавои номусоиди рӯзҳои оянда ҳушдор медиҳад
Имрӯз — Рӯзи умумиҷаҳонии паҳннамоии иттилоот оид ба аутизм. Кӯдакони гирифтори ин беморӣ муҳтоҷи дастгирии махсусанд
Бахшида ба «100 рӯзи муқовимат ба савдои одамон» дар Хуҷанд ҳамоиш доир шуд
Бориши шадид сабаби ҳолати фавқулода дар ҷануби Тоҷикистон шуда, 250 сокини маҳаллӣ ба ҷойҳои бехатар кӯчонида шуданд
Наврӯз Ҷаъфаров: Омили пайдоиши вируси фалаҷи кӯдакона сари вақт ваксинатсия нашудани тифлон аст
ТАВАҶҶУҲ! Бар асари бориши зиёд дар роҳҳои кӯҳии Тоҷикистон эҳтимоли лағзиши тарма ва резиши сангу рег зиёд аст
НАМУНА БАРОИ ИБРАТ. Соҳибкори нафақахӯр барои хонандагони Ҳисор синфхонаҳои омӯзиши забонҳои хориҷӣ бунёд намуд
