«Тоҷикистонро ба сарзамини сайёҳии экологӣ табдил медиҳем!». Таҳти ин шиор маъракаи поксозии мавзеъҳои сайёҳгузар гузаронида шуд
ДУШАНБЕ, 28.04.2021 /АМИТ «Ховар»/. «Тоҷикистонро ба сарзамини сайёҳии экологӣ табдил медиҳем!»-таҳти ин шиор ҳафтаи равон дар шаҳру ноҳияҳои ҷумҳурӣ маъракаи поксозии мавзеъҳои сайёҳгузар доир гардид. Ҳашарҳои дастаҷамъонаи тозакунии мавзеъҳои сайёҳӣ бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар доираи нақшаи ҳашарҳои ҷумҳуриявӣ ва чорабиниҳои ҷашни 30-солагии Истиқлоли давлатии Ҷумҳурии Тоҷикистон ва сазовор таҷлил намудани Солҳои рушди деҳот, сайёҳӣ ва ҳунарҳои мардумӣ дар шаҳру ноҳияҳои вилоятҳои Суғду Хатлон, Бадахшон, ноҳияҳои тобеи ҷумҳурӣ ва шаҳри Душанбе гузаронида шуданд.
-Ҳадафи аслии тозакориҳо беҳдошти фазои экологӣ ва омодагиҳо ба қабули сайёҳон мебошад, иттилоъ медиҳад Кумитаи руши сайёҳии назди Ҳукумати ҷумҳурӣ.
Бо паст гаштани шиддати паҳншавии бемории сироятии КОВИД-19 дар ҷаҳон гардиши сайёҳон ба ҷумҳурӣ марҳила ба марҳила зиёд гашта, ҷой доштани ҳар гуна партовҳои зиёд дар мавзеъҳои сайёҳгузар боиси озурдахотирии меҳмонону сайёҳони хориҷӣ мегардад. Аз ин рӯ, аз сокинони мамлакат хоҳиш карда мешавад, ки дар доираи Солҳои рушди деҳот, сайёҳӣ ва ҳунарҳои мардумӣ дар ободу тоза нигоҳ доштани ҳар гӯшаи диёр саҳми назаррас гузоранд, то меҳмонону сайёҳон бо таассуроти нек ба кишвари худ баргарданд. Ин иқдом яке аз роҳҳои беҳтарини таблиғот оид ба муаррифии имконияту иқтидорҳои сайёҳии Тоҷикистон ва ҷалби бештари сайёҳон мебошад.
Кумитаи рушди сайёҳии назди Ҳукумати ҷумҳурӣ дар ҳамкорӣ бо мақомоти маҳаллӣ тадбири мазкурро мунтазам роҳандозӣ намуда, дар доираи он корҳои ободонӣ, созандагӣ ва тоза намудани мавзеъҳои сайёҳӣ гузаронида мешаванд.
Аксҳо аз Кумитаи рушди сайёҳии назди Ҳукумати ҶТ
Рушди ҳамкории дуҷонибаи Тоҷикистон ва Белгия дар соҳаи сайёҳӣ баррасӣ гардид
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
Телефони боварии Кумитаи рушди сайёҳӣ мушкили беш аз 30 ҷаҳонгарди хориҷиро бартараф намуд
НИШАСТИ МАТБУОТӢ. 34 ҳазору 80 нафар сайёҳони дохилию хориҷӣ минтақаҳои истироҳатӣ ва мавзеъҳои таърихии ноҳияи Варзобро тамошо намуданд
Ба шаҳри Норак беш аз 39 ҳазор сайёҳи дохилию хориҷӣ ворид гардид
НИШАСТИ МАТБУОТӢ. Дар Тоҷикистон шумораи сайёҳони хориҷӣ ва субъектҳои хизматрасони сайёҳӣ зиёд шудааст
Донишгоҳи байналмилалии сайёҳӣ ва соҳибкории Тоҷикистон ҳамкориро бо Бунёди Ҳаннс Зайдел тақвият медиҳад
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
