«УСТОД АЙНӢ ДАР МАҚОМИ РӮШАНГАРИИ МИЛЛӢ». Таҳти чунин унвон Донишкадаи фарҳанг ва санъати Тоҷикистон маҳфили илмию эҷодӣ доир намуд
ДУШАНБЕ, 15.04.2021 /АМИТ «Ховар»/. 14 апрел бахшида ба зодрӯзи Қаҳрамони Тоҷикистон, асосгузори адабиёти муосир ва фарҳангу маданияти навини тоҷик устод Садриддин Айнӣ дар Донишкадаи фарҳанг ва санъати Тоҷикистон таҳти унвони «Устод Айнӣ дар мақоми рӯшангарии миллӣ» маҳфили илмию эҷодӣ баргузор гардид.
Устоди донишкада Нозим Нуров дар мавзӯи «Устод Айнӣ дар мақоми рӯшангарии миллӣ» маърӯза карда, доир ба шахсияти Садриддин Айнӣ ва ҷойгоҳу мақоми ӯ дар таърихи миллӣ маълумот дод.
Мавсуф аз ҷумла таъкид кард, ки устод С. Айнӣ аз ибтидои садаи ХХ то охири умр дар масири рӯшангарии миллӣ устуворона гом бардошта, аз миллати тоҷик дар баробари душманони қавмию сиёсӣ дифоъ кардааст. Ин аст, ки шинохти шахсият ва омӯзиши бардавоми осори устод Садридин Айнӣ зарурати таърихию сиёсӣ, давлатӣ, иҷтимоӣ, маданӣ ва миллӣ мебошад.
Дар бахши эҷодии маҳфил донишҷӯёни шуъбаи актёрӣ порчаҳои насриро аз осори устод Айнӣ қироат намуданд. Порчаҳои мунтахаб лаҳзаҳои муҳими зиндагӣ ва ҳаводиси хотирмони рӯзгори миллиро фаро гирифта, аз ҷониби донишҷӯён дар сатҳи баланди эҷодӣ иҷро гардиданд.
Ёдовар мешавем, ки 15 апрел ба зодрӯзи Қаҳрамони Тоҷикистон Садриддин Айнӣ 143 сол пур мешавад. Агар дар адабиёти маорифпарварии нимаи дуюми асри ХIХ Аҳмади Дониш қадамҳои устувор гузошта бошад, дар асри ХХ устод Садриддин Айнӣ ин ҷараёнро идома дода, бо ақидаҳои маорифпарваронаи худ дар адабиёти тоҷик ҷойгоҳи мустаҳкам касб намуд. Афкори маорифпарварии устод Айнӣ дар мероси бою пурарзиши ӯ баръало инъикос ёфтаанд.
Ашъори устод Айнӣ ҷанбаи маърифатию маорифпарварӣ дошта, барои босавод кардани мардум эҷод карда шудааст. Ӯ ба ҳайси муаллими миллати тоҷик ва ба сифати шиносномаи миллати тоҷик дар як давраи тақдирсоз зиндагӣ кардааст. Эҷодиёти устод то имрӯз қадру манзалати худро гум накардааст ва бо мазмуни баланду хусусиятҳои хоси даъватомези худ асрҳои аср зиндаю ҷовид хоҳад монд.
АКСҲО аз бойгонии АМИТ «Ховар» ва сомонаи Донишкадаи фарҳанг ва санъати Тоҷикистон
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
ПАЙВАНДИ ИНСОН БО ТАБИАТ ДАР «ШОҲНОМА»-И ФИРДАВСӢ. Мулоҳизаҳои Академик Фарҳод Раҳимӣ дар ин мавзуъ
Акбар Эронӣ: «Ибтикори Президенти Тоҷикистон оид ба таъсиси Ҷоизаи байналмилалии Ибни Сино иқдоми мондагор ва ояндасоз аст»
Туҳфаи Пешвои миллат — маҷмуи тӯбҳои расмии ҷомҳои ҷаҳонии FIFA ба Осорхонаи миллии Тоҷикистон тақдим гардид
БЕҲТАРИН КИТОБХОН. Таҳти ин унвон озмуни ҷумҳуриявӣ баргузор мегардад
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
ШОМИ ВАҲДАТУ ҲАМДИЛӢ. Дар Осорхона-мамнуъгоҳи ҷумҳуриявии Данғара ҳамоиши сиёсӣ-фарҳангӣ баргузор шуд
СУЛҲИ БУНЁДКОРИ МО ОМАД! Дар нахустин гомҳои адабиёти тоҷикӣ шиори он ситоиши сулҳу оштӣ ва ҳамбастагии халқҳо буд
«САДОИ ВАҲДАТ». Дар Душанбе бахшида ба Рӯзи Ваҳдати миллӣ консерти байналмилалӣ баргузор мешавад
Муовини Сарвазири Бошқирдистон дар Осорхонаи миллӣ бо марҳилаҳои рушди давлатдории тоҷикон шинос гардид
Доир ба татбиқи ҳадафи чоруми стратегии Ҳукумати Тоҷикистон конференсияи ҷумҳуриявӣ баргузор шуд
