Дар «Амонатбонк» 110-солагии вассофи сулҳу дӯстӣ Мирзо Турсунзода таҷлил гардид
ДУШАНБЕ, 08.05.2021/АМИТ «Ховар»/. «Шоири халқии Тоҷикистон Мирзо Турсунзода, ки вассофи сулҳу дӯстӣ ва ҳамраъии мардумони озодихоҳи қораи Осиё ва Африқо буд, бо ашъори баландмазмунаш дар ташаккули адабиёти муосири тоҷик саҳми бориз гузоштааст».
Чунин зикр гардид дар ҳамоише, ки дар Раёсати Бонки давлатии амонатгузории Ҷумҳурии Тоҷикистон «Амонатбонк» доир гардид. Аз Бонки давлатии амонатгузории Ҷумҳурии Тоҷикистон «Амонатбонк» ба АМИТ «Ховар» иттилоъ доданд, ки ҳамоиш ба ифтихори таҷлили сазовори ҷашни 110-солагии шоири зиндаёд, қосиди сулҳу дӯстӣ устод Мирзо Турсунзода гузаронида шуд.
Раиси Бонки давлатии амонтагузории «Амонатбонк» Сироҷиддин Икромӣ ва Раиси Иттифоқи нависандагони Тоҷикистон Низом Қосим роҷеъ ба қадру манзалат ва ҷойгоҳи хоси вассофи сулҳ, устод Мирзо Турсунзода сухан карда, зикр намуданд, ки шоири тавонои тоҷик тӯли фаъолияташ ба кишварҳои гуногуни ҷаҳон сафар карда, баҳри дӯстию рафоқат, барқарории сулҳ кӯшишҳои зиёде намудааст. Ашъори пурмазмун ва сулҳҷӯёнаи устод Мирзо Турсунзода ӯро ҳамчун шахсияти тарғиб ва паҳнкунандаи ғояҳои сулҳпарварӣ дар ҷаҳон муаррифӣ намуд ва ашъори ӯ ба авҷи аъло расид. Зикр шуд, ки Шоири халқии Тоҷикистон Мирзо Турсунзода фаъолияти меҳнатии худро аз матбуот, аниқтараш аз рӯзномаи «Ҷавонони Тоҷикистон» оғоз намуда, баъдан дар театр, Иттифоқи нависандагон ва дигар сохторҳои давлатӣ кору фаъолияти созанда намудааст. Шоир Мирзо Турсунзода аз соли 1946 ба сифати раиси Иттифоқи нависандагони Тоҷикистон фаъолият намуда, дар ташаккули адабиёти муосири тоҷик нақши назаррас гузоштааст.
Раиси Иттифоқи нависандагони Тоҷикистон Низом Қосим дар бораи зиндагинома ва ашъори ноби устод Мирзо Турсунзода сухан намуда, гуфт, ки тараннуми сулҳу дӯстӣ дар эҷодиёти Мирзо Турсунзода мавқеи муҳим дорад. Достонҳои «Садои Осиё», «Духтари муқаддас», «Ман аз Шарқи озод» ба мавзуи сулҳу ва дӯстӣ ва ҳамраъӣ бахшида шудааст. Дарки амиқи мафҳуми сулҳ Мирзо Турсунзодаро то ба мартабаи Раиси кумитаи сулҳи кишварҳои Осиё ва Африқо расонид ва ӯ мунодии сулҳи минтақаҳо ва рамзи амнияту субот дар сайёра гардид. Ҳар мисрае, ки шоир дар он сулҳро васф намудааст, имрӯз аз ҷониби мардумони сулҳдӯст чун шиори зиддиҷангӣ мавриди истифода қарор мегирад. Ин ҳама корнамоиҳо ва заҳматҳои шоистаи устод Мирзо Трусунзода буд, ки вай ба унвонии фахрии Шоири халқии Тоҷикистон ва унвони олии Қаҳрамони Тоҷикистон шарафёб гардид.
Акс аз БДА «Амонатбонк»
Дар Китобхонаи миллии Тоҷикистон оид ба ҳамкории фарҳангии Тоҷикистон ва Фаронса мулоқот доир шуд
НИШАСТИ МАТБУОТӢ. Олимони Академияи миллии илмҳои Тоҷикистон 30 патент барои ихтироъ ба даст оварданд
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
