Дар баъзе ноҳияҳои Тоҷикистон бар асари боронҳои сел қитъаҳои замини наздиҳавлигӣ зарар дидаанд

Май 6, 2021 10:08

ДУШАНБЕ, 06.05.2021 /АМИТ «Ховар»/. Бо сабаби бориши шадиди 5 май дар баъзе минтақаҳои кишвар сатҳи оби дарёҳо баланд шуда, боиси зери об мондани қитъаҳои заминҳои наздиҳавлигӣ гардид. Инчунин ҳамон рӯз ҳолатҳои фурӯрезии кӯҳпораҳо сабт шуданд. Дар ин бора аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд.

Дар натиҷаи боронҳои сел болоравии сатҳи об дар дарёи Оби Мазор ба қайд гирифта шуда, қитъаҳои заминҳои наздиҳавлигӣ зери об монданд, ба 2 хонаи шахсӣ зарар расидааст, пул ва сарбанд дар ҷамоатҳои деҳоти Лоҳутӣ, Ҷонбахт, Ғаффор Мирзои ноҳияи Ховалинг қисман вайрон шудаанд.

Инчунин бориши шадид боиси пайдо шудани лойоба гардид, ки он ба 15 қитъаи замини наздиҳавлигӣ, заминҳои корам ва боғҳои сокинони деҳаи Чилдухтарони Ҷамоати деҳоти ба номи Н. Назарови ноҳияи Мӯъминободи вилояти Хатлон зарар расонид. Илова бар ин, селоб 20 км роҳи маҳаллии мошингард ва пули байни деҳаҳои Кӯлчашма, Ғеш ва Лиҷакро баст.

Барои рафъи оқибатҳои офатҳои табиӣ таҷҳизоти махсуси муҳандисӣ истифода шуда, корҳо идома доранд.

5 май дар ҳудуди деҳаи Гезани поёни Ҷамоати деҳоти Моғиёни шаҳри Панҷакенти вилояти Суғд резиши кӯҳпораҳо ба қайд гирифта шуд. Бо мақсади пешгирии ҳолатҳои нохуш 29 хонавода бо теъдоди умумии 112 нафар ба ҷойҳои бехатар интиқол дода шуданд.

Комиссияи ҳолатҳои фавқулодаи шаҳри Панҷакент дар маҳали ҳодиса кор мекунад.

Худи ҳамон рӯз дар километри 438, 443 ва 447-и шоҳроҳи «Душанбе — Ванҷ — Хоруғ», дар наздикии мавзеи Хехики ноҳияи Ванҷи ВМКБ резиши кӯҳпораҳо сурат гирифта, сабаби муваққатан баста шудани шоҳроҳ гардид.

Дар айни замон роҳ аз кӯҳпораҳо тоза карда шуда, дар ҳолати мӯътадил қарор дорад.

Офатҳои табии мазкур талафоти ҷонӣ ба бор наовардаанд.

АКС аз КҲФ ва МГ

Май 6, 2021 10:08

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд