Даври дуюми машваратҳои сиёсӣ байни вазоратҳои корҳои хориҷии Тоҷикистон ва Украина баргузор гардид
ДУШАНБЕ, 18.05.2021 /АМИТ «Ховар»/. 17 май даври дуюми машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Украина баргузор гардид. Ҳайатҳои тарафҳоро муовини Вазири корҳои хориҷии Тоҷикистон Содиқ Имомӣ ва муовини вазири корҳои хориҷии Украина Евгений Енин роҳбарӣ намуданд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҷонибҳо ҳолат ва дурнамои густариши равобити дуҷонибаро дар заминаҳои сиёсӣ, тиҷоративу иқтисодӣ ва фарҳангию гуманитарӣ баррасӣ карда, доир ба масъалаҳои амнияти минтақавӣ ва ҳамкории ду кишвар дар чаҳорчӯби созмонҳои байналмилалӣ табодули афкор намуданд. Омодагӣ ва рағбати мутақобил ба густариши бештари муносибатҳои дӯстӣ дар ҳамаи соҳаҳо изҳор гардид.
Зимни ройзаниҳои сиёсӣ тарафҳо ба тавофуқ расиданд, ки Барномаи ҳамкории вазоратҳои корҳои хориҷии ду кишвар барои солҳои 2021-2022 аз сӯи вазирони корҳои хориҷии Тоҷикистон Сироҷиддин Муҳриддин ва Украина Дмитрий Кулеба ба имзо расад.
Дар фарҷоми машваратҳо Вазири корҳои хориҷии Тоҷикистон Сироҷиддин Муҳриддин муовини вазири корҳои хориҷии Украина Евгений Енинро ба ҳузур пазируфт.
АКСҲО аз ВКХ ҶТ
Сафири Тоҷикистон ба Подшоҳи Баҳрайн эътимодномаи худро супорид
Тоҷикистон ва Туркия содагардонии расмиёти раводидро баррасӣ намуданд
Дар Боку омодагӣ ба Конфронси байналмилалии сатҳи баланд оид ба ҳифзи пиряхҳо баррасӣ гардид
Ҳайати Қатар дар Конфронси байналмилалии ҳифзи пиряхҳо дар Душанбе иштирок менамояд
РАВАНДИ ОБИ ДУШАНБЕ. Масъалаи омодагӣ ба Конфронси оби СММ-2028 дар Тоҷикистон баррасӣ гардид
Тоҷикистон ва Кувайт дурнамои муносибатҳои дуҷонибаро баррасӣ намуданд
Сафири Тоҷикистон бо Ректори Донишгоҳи илмҳои гуманитарии ба номи Муҳаммад ибни Зойид мулоқот намуд
Намояндаи Тоҷикистон бо муовини Котиби генералии Иттиҳоди байналмилалии алоқа мулоқот намуд
Дар Душанбе татбиқи тавофуқот аз натиҷаи музокироти сатҳи олии Тоҷикистон ва Русия баррасӣ шуд
Байни вазоратҳои корҳои хориҷии Тоҷикистон ва Муғулистон машваратҳои сиёсӣ доир шуданд
Сарвазири Тоҷикистон Қоҳир Расулзода бо муовини аввали Президенти Эрон Алӣ Наҷафии Хушрудӣ мулоқот намуд
Намояндаи Тоҷикистон дар Созмони Милали Муттаҳид бо намояндаи олии ин созмон мулоқот намуд
