ФУТБОЛ. Дастаҳои «Хуҷанд» ва «Равшан» имконияти аз гурӯҳ баромаданро аз даст доданд

Май 18, 2021 14:30

ДУШАНБЕ, 18.05.2021 /АМИТ «Ховар»/. Дастаҳои  футболи Тоҷикистон: барандаи медали нуқраи Чемпионати Тоҷикистон-2020-  «Хуҷанд»-и шаҳри Хуҷанд ва ғолиби Ҷоми Тоҷикистон-2020-  «Равшан»-и шаҳри Кӯлоб  имконияти аз гурӯҳҳои худ баромаданро аз даст дода, аз идомаи мубориза барои Ҷоми КФО-2021 маҳрум шуданд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дар бозии  даври дуюми марҳилаи гурӯҳии Ҷоми КФО-2021 дар минтақаи Марказӣ дар гурӯҳи «F» дастаи футболи  «Хуҷанд»-и шаҳри Хуҷанд  аз дастаи   «Насаф»-и Ӯзбекистон бо ҳисоби 0:3 мағлуб гардид. Ин бозӣ 17 май дар Варзишгоҳи марказии ҷумҳуриявии шаҳри Душанбе баргузор шуд. Дар бозии дигари гурӯҳ дастаи  «Олтин Асир»-и Туркманистон бар дастаи футболи  «Олой»-и Қирғизистон бо ҳисоби 5:4 пирӯз шуд.

Дар гурӯҳи «Е» дар шаҳри  Бишкек дастаи футболи  «Аҳал»-и Туркманистон дастаи  «Дордой»-и Қирғизистонро бо ҳисоби 2:0 шикаст дод. Ҳамин тариқ, новобаста ба натиҷаи бозиҳои даври сеюм дар гурӯҳи «Е» дастаи «Аҳал»-и Туркманистон бо 6 хол ғолиб шуд. Дар гурӯҳи «F» «Насаф»-и Ӯзбекистон  бо 6 хол, «Олтин Асир»-и Туркманистон бо 4 хол дар ҷойҳои якуму дуюм мавқеъ доранд ва барои ғолиби гурӯҳ шудан дар даври сеюм  байни ҳам вомехӯранд.

Ёдовар мешавем, ки  бозиҳои даври сеюми марҳилаи гурӯҳии Ҷоми КФО-2021 дар минтақаи Марказӣ 20  май баргузор мешаванд. Дар Душанбе дастаи футболи  «Хуҷанд»-и шаҳри Хуҷанд бо дастаи  «Олой»-и Қирғизистон ва дар шаҳри  Бишкек дастаи футболи  «Равшан»-и шаҳри Кӯлоб  бо дастаи  «Дордой»-и Қирғизистон бозӣ мекунанд.

Ҷоми КФО-2021
Минтақаи Марказӣ

Гурӯҳи «F». 2-юм давр
«Хуҷанд» (Тоҷикистон) – «Насаф» (Ӯзбекистон) — 0:3
Голҳо: Акмал Мозговой, 10 (0:1). Ҳусниддин Алиқулов, 42 (0:2). Шерзод Насруллоев, 45+1 (0:3).

«Олой» (Қирғизистон) – «Олтин Асир» — 4:5

Голҳо: Ойбек Абдуғафоров, 2 (0:1). Айдар Мамбеталиев, 29 (1:1). Алтимурод Аннадурдиев, 41 – аз пеналтӣ (1:2). Вазиргелдӣ Илёсов, 44 (1:3). Михаил Титов, 48 (1:4). Гуйчмурат Аннақулиев, 72 (2:4). Фурқат Турсунов, 84 (3:4). Адилет Нурлан, 90 (4:4). Алтимурод Аннадурдиев, 90+3 – аз пеналтӣ (4:5)

 Б  Ғ  М  Б  Т-Т  Х
 1  «Насаф» (Ӯзбекистон)  2  2  0  0  7-0  6
 2  «Олтин Асир»(Туркманистон)  2  1  1  0  7-6  4
 3  «Хуҷанд» (Тоҷикистон)  2  0  1  0  2-5  1
 4  «Олой» (Қирғизистон)  2  0  0  2  4-9  0

Бозиҳои оянда:

3-юм давр
20 май (панҷшанбе)
17:00. «Насаф» (Ӯзбекистон) – «Олтин Асир» (Туркманистон)
21:05. «Хуҷанд» (Тоҷикистон)– «Олой» (Қирғизистон)

Гурӯҳи «Е». 2-юм давр
«Дордой»-и Қирғизистон – «Аҳал» (Туркманистон) – 0:2
Голҳо: Александ Мишченко, 7 (0:1). Элман Тагаев, 78 (0:2).

 Б  Ғ  М  Б  Т-Т  Х
 1  «Аҳал» (Туркманистон)  2  2  0  0  5-1  6
 2  «Равшан» (Тоҷикистон)  1  0  0  1  1-3  0
 3  «Дордой» (Қирғизистон)  1  0  0  1  0-2  0

Бозиҳои оянда:
3-юм давр
20 май (панҷшанбе)
19:00. «Дордой» (Қирғизистон) – «Равшан» (Тоҷикистон)

                                                                                               АКС аз ФФТ

Май 18, 2021 14:30

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад