Иштирокчиёни «Евровидение» дар бораи суруди «Russian Woman» ибрози назар намуданд
ДУШАНБЕ, 17.05.2021 /АМИТ «Ховар»/. Иштирокчиёни «Евровидение-2021» аз Хорватия ва Австралия дастгирии худро аз овозхон Манижа, ки Россияро дар озмуни дарпешистода бо суруди «Russian Woman» («Зани рус») муаррифӣ мекунад, иброз намуданд. Дар ин бора АМИТ «Ховар» бо истинод ба «РИА Новости» хабар медиҳад.
Зимни мусоҳиба дар шабакаи YouTube-и саҳифаи озмуни байналмилалии суруд овозхони хорватӣ Албина изҳор дошт, ки омода аст ба овозхони рус миқдори зиёдтарини холҳо — дувоздаҳ бидиҳад.
«Манижа ба ман маъқул аст. Вай хеле боғайрат, мустақил ва бисёр самимӣ аст. Суруди ӯ ҳовии беҳтарин паём аст — дар ин замина ин хеле муҳим аст: «Ҳар як зани рус бояд бидонад, ки ту ба андозаи кофӣ қавӣ ҳастӣ, ки деворро бишиканӣ», — шарҳ дод Албина.
Ҳунарманди австралиягӣ Монтене низ Манижаро маҳбуби худ дар «Евровидение» номид ва эътироф кард, ки аз худаш дувоздаҳ хол маҳз ба ӯ медиҳад. Дар ҳамин ҳол, соли гузашта овозхон иштирокчӣ аз Исландияро интихоб карда буд.
«Ин интихоби душвор аст, чунки мисли пештара Исландия ба ман маъқул аст, аммо имсол ман раъйи худро ба Манижа аз Россия хоҳам дод. Ман мафтуни ӯ шудам. Вай олиҷаноб аст», — эътироф кард Монтен.
Озмуни байналмилалии «Евровидение-2021» аз 18 то 22 май дар Ahoy Arena дар Роттердам баргузор мешавад.
АКС: news2world.net
Дар Душанбе Анҷумани XVI нависандагони Тоҷикистон баргузор гардид
Имрӯз дар Боғи Куруши Кабир «Кӯчаи сайёҳии мавсимӣ» ифтитоҳ мегардад
«ЧЕҲРАИ МИЛЛАТ». Таҳти чунин унвон ба ифтихори Рӯзи Президент китоб ба нашр расид
Ҳунарҳои миллӣ бо усули «хона ба хона», «деҳа ба деҳа» ва «маҳал ба маҳал» тарғиб карда мешаванд
Симпозиуми байналмилалии «Хутали қадим- пойгоҳи зуҳури забони тоҷикӣ, тамаддуни бостонӣ ва ирфонии минтақаи Осиёи Марказӣ» баргузор мегардад
Дар Иёлоти Муттаҳидаи Амрико Рӯзҳои фарҳанги Тоҷикистон баргузор мегарданд
ТЕАТР — ОИНАИ ЗИНДАГӢ. Дар Душанбе шаш театри касбӣ фаъолият мекунад
7 НОЯБР- РӮЗИ ТЕАТРИ ТОҶИК. Театри миллии Тоҷикистон бо шароити ҷавобгӯ ба талаботи сатҳи ҷаҳонӣ бунёд гардида истодааст
Ба ифтихори Рӯзи Конститутсия дар Осорхонаи миллӣ сайри осорхонавӣ ташкил гардид
Туҳфаи арзандаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Ёвон расид
Дар Вазорати фарҳанг бахшида ба Рӯзи Конститутсияи Тоҷикистон ҳамоиши илмӣ доир шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
