Кишти кӯкнор дар Афғонистон афзоиш ёфтааст

Май 4, 2021 08:52

ДУШАНБЕ, 04.05.2021 /АМИТ «Ховар»/. Назарсанҷии муштараки Идораи миллии омори Афғонистон ва Дафтари СММ оид ба маводи мухаддир ва ҷинояткорӣ нишон медиҳад, ки соли 1399 (2020 — 2021) заминҳои кишти кӯкнор дар Афғонистон 37% васеъ карда шудаанд, хабар медиҳад АМИТ «Ховар» бо истинод ба сомонаи «Садои Амрико» www.darivoa.com.

Аҳмад Ҷовид Расулӣ, раиси Идораи миллии омор ва иттилооти Афғонистон гуфт, ки дар соли 1399 (2020 — 2021) дар саросари Афғонистон дар 224 ҳазор гектар замин кӯкнор кишт шудааст, ки ин дар муқоиса бо соли 1398 хеле зиёд аст.

Ин дар ҳолест, ки мутобиқи омори расмӣ дар соли 1398 (2019) дар саросари Афғонистон дар 163 ҳазор гектар замини кӯкнор кишт шуда буд.

Анҷела Мэй, мудири таҳқиқот ва таҳлили Идораи СММ оид ба маводи мухаддир ва ҷинояткорӣ гуфт, ки сарфи назар аз мушкилоти вобаста ба уфунати «Ковид-19”, оҷонсӣ дар ҳамкорӣ бо Идораи миллии омор ва иттилооти Афғонистон тавонист ин назарпурсиро анҷом диҳад.

Хонум Мэй қайд кард, ки: «Истеҳсоли афюн наздики 6300 тоннаро ташкил медиҳад ва ин омори бетарафонаи расмӣ аст».

Таҳқиқот нишон медиҳад, ки 68% майдонҳои кӯкнор (тақрибан 153,000 га) дар ҷануб ва ҷанубу ғарби Афғонистон воқеъ мебошанд.

Намояндаи СММ инчунин қайд кард, ки дар соли 2021 мақомоти дахлдори Афғонистон маъракаи  нест кардани майдоҳои кишти кӯкнорро умуман оғоз накарданд ва далели он хуруҷи коронавирус номида шудааст.

Дафтари миллии омор ва иттилоот мегӯяд, ки пурсиш бо истифода аз технологияи Remote sensing (санҷиши фосилавӣ), ки муосиртарин модели оморӣ мебошад, гузаронида шудааст.

Май 4, 2021 08:52

Хабарҳои дигари ин бахш

Дар Хинҷони Афғонистон аз ҷониби гурӯҳи «Толибон» ҳафт нафар намозгузорон кушта шуданд
Мавҷи нави бесуботӣ дар Афғонистон. 118 нафар ҷангҷӯёни гурӯҳи «Толибон» маҳв карда шуданд
Ҷангҷӯёни «Толибон» дар вулусволии Шоҳвали Кути вилояти Қандаҳор пули бузурги сарбанди оби «Даҳла»-ро таркониданд
Бар асари афтидани мушак ба бинои маъмурии вилояти Кунари Афғонистон 14 нафар захмӣ шуданд
Киштии зериобии Индонезия, ки шикаста се қисм шудааст, ёфт гардид. Ҳамаи 53 сарнишини он ба ҳалок расидаанд
Конфронс оид ба ҳалли мусолиҳатомез дар Афғонистон, ки бояд дар Туркия баргузор мегардид, ба таъхир гузошта шуд
Бар асари ҳамла бо истифодаи мошин-бомба дар Ҳироти Афғонистон ду нафар аз неруҳои хезиши мардумӣ кушта шуданд
Россия, Тоҷикистон ва боз 19 кишвар барои ширкат дар конфронс оид ба Афғонистон дар Истанбул даъват шудаанд
Бар асари таркиши автомашинаи пур аз маводи тарканда дар Фароҳи Афғонистон 3 нафар ҳалок ва 22 тани дигар маҷрӯҳ шуданд
Ҷангҷӯёни мусаллаҳи гурӯҳи «Толибон» ба автомашинаи котиботи Маҷлиси сенати Афғонистон ҳамла карданд
Дар Британияи Кабир шавҳари Малика Шоҳзода Филипп дар синни 100-солагӣ аз олам даргузашт
Шабонарӯзи охир дар ҷаҳон зиёда аз 785 ҳазор ҳолати сирояти коронавирус ошкор гардид

Маводҳои таҳлилӣ