Сироҷиддин Муҳриддин бо иҷрокунандаи вазифаи Вазири корҳои хориҷии Ҷумҳурии Арманистон суҳбати телефонӣ доир намуд
ДУШАНБЕ, 05.05.2021 /АМИТ «Ховар»/. 4 май бо ташаббуси ҷониби Арманистон суҳбати телефонии Вазири корҳои хориҷии Ҷумҳурии Тоҷикистон Сироҷиддин Муҳриддин бо иҷрокунандаи вазифаи Вазири корҳои хориҷии Ҷумҳурии Арманистон Ара Айвазян баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
С.Муҳриддин ба ҳамтои худ дар бораи даргириҳои ахир дар марз бо Ҷумҳурии Қирғизистон ва тавофуқоти ҳосилшуда дар бораи ба эътидол овардани вазъ маълумот дод. Вазири корҳои хориҷии мо ҳусни нияти ҷониби Тоҷикистонро барои ҳаллу фасли масоили сарҳадӣ бо Қирғизистон танҳо аз тариқи гуфтушунид ва пайдо намудани роҳҳалҳои барои ҳарду ҷониб қобили қабул бо дарназардошти манфиатҳои миллии кишвар таъкид кард.
А.Айвазян аз раванди музокироти Тоҷикистон ва Қирғизистон ва тавофуқоти тарафайн роҷеъ ба оташбас истиқбол намуд.
Ҷонибҳо инчунин атрофи баъзе масъалаҳои мубрами рӯзномаи дуҷонибаи Тоҷикистон ва Арманистон табодули афкор карда, ҷараёни омодагӣ ба ҷаласаи дарпешистодаи вазирони корҳои хориҷии Созмони аҳдномаи амнияти дастаҷамъиро, ки 18-19 майи соли ҷорӣ дар Душанбе ба нақша гирифта шудааст, баррасӣ намуданд.
Дар аз ВКХ ҶТ
Давлатҳои аъзои Созмони ҳамкории иқтисодӣ барои иштирок дар Конфронси байналмилалии ҳифзи пиряхҳо ба Душанбе даъват гардиданд
«ҶАШНИ МЕҲРГОН» ВА «САНЪАТИ СОХТУ НАВОХТАНИ РУБОБ». Тоҷикистон ин номинатсияҳои муштаракро ба Феҳристи мероси ғайримоддии башарият пешниҳод намуд
Мавқеи Тоҷикистон оид ба таҳкими минбаъдаи ҳамкории бисёрҷониба дар доираи қолаби «Осиёи Марказӣ – Чин» баён гардид
Тоҷикистон ва Австрия ҳамкории дуҷонибаи тиҷоратию иқтисодиро баррасӣ намуданд
Дар Ал-Кувайт дурнамои ҳамкории Фонди кувайтӣ бо Тоҷикистон баррасӣ гардид
Сафири Тоҷикистон ба Президенти Амороти Муттаҳидаи Араб Шайх Муҳаммад ибни Зойид Оли Наҳён эътимоднома супорид
Дар шаҳри Остона ҷаласаҳои муштараки СААД баргузор гардиданд
Намояндагони Тоҷикистон дар Конфронси Агентии байналмилалии неруи атомӣ дар Вена иштирок намуданд
Вохӯрии гурӯҳҳои корӣ оид ба демаркатсияи cарҳади давлатии Тоҷикистон ва Узбекистон баргузор шуд
Тоҷикистон ва Малдив Cозишнома оид ба бекор кардани талаботи раводидро ба имзо расониданд
Тоҷикистон бо ЮНЕСКО масъалаҳои омодагӣ ба Конфронси байналмилалӣ оид ба ҳифзи пиряхҳоро баррасӣ намуд
Дар Тошканд вохӯрии муовинони вазирони корҳои хориҷии давлатҳои Осиёи Марказӣ доир гардид
