Вазирони корҳои хориҷии Тоҷикистон ва Чин дар шаҳри Сиан мулоқот намуданд
ДУШАНБЕ, 11.05.2021 /АМИТ «Ховар»/. 11 май дар Сиан дар доираи сафари расмӣ мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо узви Шӯрои давлатӣ, Вазири корҳои хориҷии Ҷумҳурии Мардумии Чин Ван И баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҷонибҳо масъалаҳои густариши муносибатҳои дуҷонибаро мавриди баррасӣ қарор дода, рағбати худро ҷиҳати тақвият бахшидани ҳамкории мутақобилан судманд байни Тоҷикистон ва Чин дар соҳаҳои мухталиф изҳор намуданд.
Дар вохӯрӣ ба масъалаҳои татбиқи тавофуқҳои зимни суҳбати телефонии сарони Тоҷикистон ва Чин ҳосилшуда, имзои санадҳои нави дуҷониба, танзими чорабиниҳои муштарак дар форматҳои гуногун, аз ҷумла дар чаҳорчӯби нишастҳои Комиссияи муштарак оид ба ҳамкории тиҷоративу иқтисодӣ ва ройзаниҳои сиёсӣ байни вазоратҳои корҳои хориҷии Тоҷикистон ва Чин таваҷҷуҳ зоҳир гардид.
Дар ин росто, ҷонибҳо ба аҳамияти густариши робитаҳои тиҷоративу иқтисодӣ, сармоягузорӣ ва илмию техникии ду кишвар, тавсеаи муносибатҳои байнипарлумонӣ, ҳамкорӣ дар соҳаҳои саноату энергетика, фарҳангу гардишгарӣ ва ғайра таъкид карданд.
Дар мулоқот инчунин дигар масъалаҳои марбут ба тавсеаи муносибатҳои дуҷонибаи Тоҷикистон ва Чин дар чорчӯби созмонҳои байналмилалию минтақавӣ ва ҳамкории ду кишвар дар соҳаи мубориза бо ҳамагирии СOVID-19 мавриди баррасӣ қарор гирифтанд.
Ҳамзамон ҳамкории судманди тарафайн дар чаҳорчӯби СММ, СҲШ, МҲТБО ва дигар созмонҳои байналмилалӣ ва минтақавӣ мавриди баррасӣ қарор гирифтанд.
Дар поён Барномаи ҳамкорӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Мардумии Чин барои солҳои 2021-2022 имзо гардид.
АКСҲО аз ВКХ ҶТ
«ЭМОМАЛӢ РАҲМОН — ДИПЛОМАТИЯИ ОБ: АЗ ҚАДАМИ АВВАЛ ТО БА ШАРИКИИ ГЛОБАЛӢ». Нашриёти «Весь мир» таҳти ин унвон китоб нашр кард
Тоҷикистон ва Кувайт масъалаи афзоиш додани гардиши мол байни ду давлатро баррасӣ намуданд
Тоҷикистон ва Кувайт тақвияти робитаҳоро дар самтҳои иқтисод ва тиҷорат муҳим арзёбӣ намуданд
Давлатҳои аъзои СҲИ барои иштирок дар Конфронси навбатии байналмилалии сатҳи баланди «Раванди Душанбе» даъват шуданд
Сироҷиддин Муҳриддин дар Ҷаласаи ғайрирасмии вазирони корҳои хориҷии кишварҳои узви Созмони ҳамкории иқтисодӣ иштирок намуд
Ҳайати Тоҷикистон дар Ҷаласаи солонаи вазирони корҳои хориҷии Гурӯҳи 77 ва Чин иштирок кард
Тоҷикистон ва Гвинея-Бисау муносибатҳои дипломатӣ барқарор намуданд
Дар Ню-Йорк нишасти вазирони корҳои хориҷии Осиёи Марказӣ ва Иёлоти Муттаҳидаи Амрико доир шуд
Тоҷикистон ва Арабистони Саудӣ талаботи раводид барои дорандагони шиносномаҳои дипломатӣ ва хизматиро бекор менамоянд
Сироҷиддин Муҳриддин дар нишасти солонаи Гурӯҳи кишварҳои тараққикунандаи маҳсур дар хушкӣ дар Ню-Йорк иштирок намуд
Дар Москва бо тоҷикони муқими Русия мулоқот доир шуд
Дар Ню-Йорк ҷаласаи ғайринавбатии Шурои вазирони корҳои хориҷии СААД баргузор гардид
