Барои таҳияи нақшаи идоракунии ёдгориҳои таърихӣ ва фарҳангии Тоҷикистон дар Рӯйхати мероси фарҳангии ҷаҳонӣ ва Рӯйхати муқаддамотии ЮНЕСКО омӯзиш баргузор гардид

Июнь 11, 2021 16:44

ДУШАНБЕ, 11.06.2021 /АМИТ «Ховар»/. 7-11 июни соли 2021 бо ташаббуси Комиссияи миллии Ҷумҳурии Тоҷикистон оид ба корҳои ЮНЕСКО, Дафтари минтақавии ЮНЕСКО дар Алмато ва бо мусоидати Вазорати фарҳанги Ҷумҳурии Тоҷикистон ва дастгирии Иттиҳоди Аврупо дар шаҳри Душанбе марҳилаи ниҳоии давраи омӯзишӣ барои таҳия ва такмили нақшаи идоракунии ёдгориҳои таърихӣ ва фарҳангии Ҷумҳурии Тоҷикистон дар Рӯйхати мероси фарҳангии ҷаҳонӣ ва Рӯйхати муқаддамотии ЮНЕСКО баргузор гардид.

Тавре АМИТ «Ховар» бо истинод ба Вакзорати корҳои хориҷии Тоҷикистон  хабар медиҳад, чорабинии мазкур дар чаҳорчӯби лоиҳаи муштараки ЮНЕСКО ва ИА таҳти унвони «Долонҳои мероси Роҳи абрешим дар Афғонистон, Осиёи Марказӣ ва Эрон – ҷанбаҳои байналмилалии соли аврупоии мероси фарҳангӣ» барпо карда шуд.

Ҳадаф аз семинари мазкур, ки идомаи як силсила давраҳои омӯзишӣ дар солҳои 2019-2020 мебошад, мусоидат ба мудирони мавзеъҳо ва намояндагони мақомоти маҳаллии вобаста ба ҳифзи мероси фарҳангӣ ҷиҳати таҳия ва идоракунии нақшаи мавзеъҳо буд.

Ҳамзамон чорабинии мазкур ҷиҳати такмил додани малака ва фаҳмиши мафҳумҳо ва раванди риояи Конвенсияи мероси ҷаҳонӣ, муҳокимаи масъалаҳои мубрам ва мушкилоти кишварҳои узв дар рушди шаҳр ва ҳифзи мерос ва инчунин, густариши ҳамкорӣ миёни коршиносони мерос, мақомот ва ҷомеаҳои маҳаллӣ равона гардида буд.

Зимни чорабинӣ иштирокчиён раванди таҳияи харитаи роҳ барои омодасозии нақшаҳои идоракунии мавзеъҳои мероси фарҳангиро омӯхта, дар қисми амалии он маълумоти заруриро барои таҳияи нақшаҳои идоракунӣ аз худ карданд.

Дар баробари ин, дар ҷараёни омӯзиши ҳамаҷонибаи масъала услубҳои идоракунӣ оид ба дастгирии ҳолати ҳифзи ёдгориҳои таърихии Тоҷикистон муайян карда шуданд.

Июнь 11, 2021 16:44

Хабарҳои дигари ин бахш

Дар Хатлон даври дуюми Озмуни ҷумҳуриявии «Тоҷикистон-Ватани азизи ман» оғоз ёфт
ИҶЛОСИЯИ 44-УМИ КУМИТАИ МЕРОСИ ҶАҲОНИИ ЮНЕСКО ИДОМА ДОРАД. 16 иншооти Тоҷикистон чун номзад барои шомилшавӣ ба Феҳристи мероси ҷаҳонии ЮНЕСКО пешниҳод шудаанд
Хонандаи тоҷик дар Олимпиадаи ҷаҳонӣ аз фанни биология (IBO-2021) соҳиби медали биринҷӣ гардид
Миёни Донишгоҳи давлатии Бохтар ва Донишгоҳи Тирмиз созишномаи ҳамкорӣ ба имзо расид
Дар Қароргоҳи ЮНЕСКО, Беларус ва Амороти Муттаҳидаи Арабӣ Рӯзҳои фарҳанги Тоҷикистон баргузор мегарданд
«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон
Новобаста ба пандемия ва авзои амниятии Афғонистон беш аз 125 ҳазор нафар сайёҳони хориҷӣ аз Тоҷикистон боздид карданд
Зиёда аз 200 нафар хонандагони мактабҳои Хоруғ дар лагерҳои академӣ ба таълиму истироҳат фаро гирифта шудаанд
Дар МД «Сафина» бинобар пандемия баргузории барномаҳои озмунӣ ва шоу-барномаҳо мавқуф гузошта шуд
Нуриддин Саид: Фарогирии аҳолӣ бо барномаҳои шабакаҳои давлатии телевизион дар пахши рақамӣ 72 фоизро ташкил медиҳад
Дар Донишкадаи давлатии фарҳанг ва санъати Тоҷикистон кафедраи «Технологияи ВАО» таъсис ёфт
Дар Донишкадаи давлатии забонҳои Тоҷикистон 524 нафар шаҳрвандони хориҷӣ таҳсил мекунанд

Маводҳои таҳлилӣ