Дар Душанбе таҳти унвони «Баланд бардоштани маърифати фарҳангии ҷавонондухтарон — омили рушди суботи ҷомеа» ҳамоиш доир шуд
ДУШАНБЕ, 08.06.2021 /АМИТ «Ховар»/. Бахшида ба 30-солагии Истиқлоли давлатии Ҷумҳурии Тоҷикистон бо ташаббуси Кумитаи кор бо ҷавонон ва варзиши назди Ҳукумати мамлакат имрӯз дар Осорхонаи миллӣ таҳти унвони «Баланд бардоштани маърифати фарҳангии ҷавонондухтарон- омили рушди суботи ҷомеа» ҳамоиш доир шуд.
Раиси Кумитаи кор бо ҷавонон ва варзиши назди Ҳукумати мамлакат Абдулло Раҳмонзода зикр намуд, ки масъалаи мавриди назар мавзӯи муҳим ва саривақтӣ буда, он барои давлатдорӣ ва рушди он зарур дониста мешавад. Ба гуфтаи мавсуф, то имрӯз баргузории чунин ҳамоишҳо дар шаҳрҳои Ҳисор, Ваҳдат ва ноҳияи Рӯдакӣ роҳандозӣ шуда, доираи васеи занону бонувони касбу кори гуногун дар он ҷалб карда шуданд.
Ба гуфтаи муовини Раиси Кумитаи кор бо ҷавонон ва варзиш Дилноза Аҳмадзода Ҳукумати мамлакат имрӯз имкон фароҳам овардааст, ки занону духтарони мо дар паҳлӯи мардон дар пешравии ҷодаҳои мухталифи ҳаёти давлатӣ саҳмгузор бошанд.
«Ҳуқуқу озодиҳои инсон ва шаҳрванд, ки дар Конститутсияи Ҷумҳурии Тоҷикистон дарҷ шуда, тамоми имкониятҳои худташаккулёбии афроди ҷомеаро таъмин менамояд, он имрӯз асоси пешравии занону духтарон маҳсуб меёбад. Ҳарчанд, ки дар зарфи 30 –соли Истиқлоли давлатӣ санадҳои меъёриву ҳуқуқии устуворкунандаи мавқеи духтарону занон дар ҷомеа қабул гардида бошад ҳам, дар баробари ин имрӯз ҳуҷуми фарҳанги бегона на танҳо Тоҷикистон, балки дар ҷомеаи ҷаҳонӣ ба назар мерасад»,- гуфт Д. Аҳмадзода.
Ёдовар мешавем, ки ҳадаф аз баргузории ҳамоиши «Баланд бардоштани маърифати фарҳангии ҷавонондухтарон- омили рушди суботи ҷомеа», пеш аз ҳама пешгирии занону ҷавондутарон аз хурофот ва бегонапарастӣ, садди роҳ шудан ба исрофкорӣ, ҷалби ҷавондухтарон ба касбомӯзӣ ва бо ин мақсад паст кардани сатҳи бекориву камбизоатӣ мебошад.
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
