Дар шаҳраки қадимаи Сайёди ноҳияи Абдураҳмони Ҷомӣ якчанд ёдгории таърихӣ кашф гардид
ДУШАНБЕ, 21.06.2021 /АМИТ «Ховар»/. Кормандони Осорхонаи миллии Тоҷикистон зимни корҳои бостоншиносӣ дар шаҳраки қадимаи Сайёди ноҳияи Абдураҳмони Ҷомӣ анбор ва ошхонаи ҳаффоришударо кашф намуданд, ки аз анбор ду адад хуми ҳаҷман калон барои нигаҳдорию захира намудани донагиҳо ва маводи ғизоии ба замони Кушониён тааллуқ дошта, пайдо намуданд. Дар ҳудуи ошхона оташдонҳо кашф гардиданд, ки барои омода намудани ғизо мавриди истифода қарор мегирифтаанд.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба хабарнигори АМИТ «Ховар» иттилоъ дод, аз макони зикргардида сиккаҳои мисӣ ба даст омадаанд, ки дар аверс (рӯй)-и онҳо нимрухи шоҳи Кушонӣ тасвир гардидааст. Инчунин бозёфти ороишоти аз гулмоҳии баҳрӣ омодагардида, аз ҳамкорӣ ва тиҷорат миёни мардуми ин ҳудуд ва дигар минтақаҳо гувоҳӣ медиҳанд.
Бостоншиносон дар яке аз биноҳои ин ёдгорӣ қубури сафолӣ бозёфт намудаанд, ки он аз мавҷудияти низоми обтаъминкунӣ дар ин шаҳр дарак медиҳад.
Ҳамчунин дар натиҷаи ин корҳои бостоншиносӣ ангуштарин, сӯзан, пайкон ва сарнайзаҳои биринҷӣ, буҷилҳо ва дигар ашёи ороишӣ бозёфт гардидаанд.
Ёдовар мешавем, ки роҳбарият ва кормандони Осорхонаи миллии Тоҷикистон дар ҳамкорӣ бо мушовирони илмӣ аз аввали моҳи июни соли равон дар шаҳри бостонии Сайёд корҳои бостоншиносиро оғоз намуда, аз ин макон як зумра осори аҳамияти муҳими таърихӣ дошта, бозёфт гардидаанд.
Корҳои бостоншиносӣ аз ҷониби Осорхонаи миллии Тоҷикистон дар ин ёдгорӣ идома дошта, осори бозёфт гардида, барои возеҳу равшантар намудани паҳлуҳои гуногуни ҳаёти мардуми ин сарзамин мусоидат менамояд.
АКСҲО аз Осорхонаи миллии Тоҷикистон
ИСТИҚЛОЛИЯТИ ДАВЛАТӢ. Он барои миллати тоҷик эҳёи навин, ҳосили хиради зотӣ ва подоши сазовори таърихӣ мебошад
«ЗИ ДУРИИ ЗАМОНАҲО РАСИДАЕМ…». Имрӯз аз қабули Суруди миллии Тоҷикистон 30 сол сипарӣ мегардад
Китоби «Қонуни тиб»-и Абуалӣ ибни Сино барандаи Шоҳҷоизаи озмуни байналмилалӣ шуд
Ба китобхонаи вилоятии Хатлон 1000 китоб тақдим гардид
МАРҲАМАТ БА ҶАШНГОҲ. Бахшида ба Рӯзи Истиқлолият дар чор ноҳияи шаҳри Душанбе барномаҳои идона доир мешаванд
Бахшида ба Истиқлолияти давлатӣ ба кормандони соҳаи илм мукофотҳои давлатӣ супориданд
«ТОҶИ ШАРАФУ НИШОНИ МО, ИСТИҚЛОЛ!». Бахшида ба ин ҷашни фархунда дар шаҳру ноҳияҳои Тоҷикистон барномаҳои фарҳангӣ доир мегарданд
«КИТОБ-ТАРБИЯТГАРИ МАЪНАВӢ». Таҳти чунин унвон дар Хуҷанд ҳамоиш баргузор шуд
Кормандони Кумитаи телевизион ва радио бо мукофотҳои давлатӣ сарфароз гардонида шуданд
Баргузории Рӯзи дарҳои боз қадами муҳим дар роҳи таблиғи китоб ва китобхона мебошад
ГӮШ ҲАРФИ РОҲБАР БОЯД КУНЕМ! Дар Душанбе шоми эҷодии Шоири халқии Тоҷикистон Муҳаммад Ғоиб баргузор гардид
МУФИДТАРИН ИХТИРОИ БАШАР КИТОБ АСТ. Имрӯз дар Тоҷикистон Рӯзи китоб таҷлил мегардад
