«ҲХДТ – ПУШТИБОНИ КӮДАКОН». Таҳти ин унвон дар Душанбе барномаҳои фарҳангӣ баргузор шуданд
ДУШАНБЕ, 01.06.2021 /АМИТ «Ховар»/. Имрӯз бахшида ба Рӯзи ҷаҳонии муҳофизати кӯдакон ва 30 -солагии Истиқлоли давлатии Ҷумҳурии Тоҷикистон дар ширхоргоҳ-кӯдакистони №64-и ноҳияи Шоҳмансури шаҳри Душанбе барномаи фарҳангӣ таҳти унвони «ҲХДТ – пуштибони кӯдакон» баргузор шуд. Ба тарбиятгирандагони кӯдакистони мазкур аз ҷониби Кумитаи иҷроияи Ҳизби Халқии Демократии Тоҷикистон дар шаҳри Душанбе ҳар гуна бозичаҳо ва шириниҳо тақдим гардид.
Тавре аз КИ ҲХДТ дар шаҳри Душанбе ба АМИТ «Ховар» иттилоъ доданд, дар баробари барномаи фарҳангӣ, миёни таълимгирандагони кӯдакистони мазкур ҳамчунин озмунҳои расомӣ ва шашкаю шоҳмот гузаронида шуд, ки ба тантанаҳои идона шукӯҳи тоза бахшид.
Дар чорабинии мазкур намояндагони Кумитаи иҷроияи Ҳизби Халқии Демократии Тоҷикистон дар шаҳри Душанбе иштирок ва суханронӣ намуданд. Аз ҷумла, муовини раиси КИ ҲХДТ дар шаҳри Душанбе Ҳусния Исоқӣ иброз дошт, ки «ин сана солҳост, ки дар миёни мардуми мо ҳамчун яке аз рӯзҳои муҳим маҳбубияти хосса дорад. Ин санаи муқаддас моро водор менамояд, ки барои саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар оила ва мактаб, инкишофи эҷодиёти бачагон ва тайёр намудани онҳо ба зиндагии оянда кӯшиш намоем. Мо онҳоро бояд дӯст дорем ва меҳру муҳаббати худро дар вуҷуди поку беолоиши онҳо ҷой диҳем». қайд намуданд, ки ҳамасола ин сана дар миёни мардуми мо бо як шукуҳу шаҳомати хоса ҷашн гирифта мешавад”.
-Тоҷикистон дар баробари ба даст овардани Истиқлоли давлатӣ ҷиҳати пешбурди ҳуқуқ ва озодиҳои кӯдакон пайваста талош меварзад. Яке аз аввалин санадҳои байналмилалӣ, ки Ҷумҳурии Тоҷикистон соли 1993 ба тасвиб расонида буд-ин Конвенсияи Созмони Милали Мутаҳҳид «Дар бораи ҳуқуқҳои кӯдак» мебошад,- афзуд Ҳусния Исоқӣ.
Дар ҷамъомади идона таъкид гардид, ки Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон таъкид менамоянд, ки «…кӯдакон ояндаи осудаву ободи ҳар миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Зеро ба дунё омадани тифл дар ҳар як оила хушбахтиву иқболи нек меорад ва чун зангӯлаи идомаи ҳаёт садо медиҳад».
Чунин барномаҳои фарҳангӣ бахшида ба Рӯзи ҷаҳонии муҳофизати кӯдакон аз ҷониби сохторҳои ҳизбии пойтахт дар дигар муассисаҳо идома доранд.
Бахшида ба Рӯзи байналмилалии волонтёрон байни сарбозону афсарон ва ҷавонони синни тодаъватии шаҳри Норак вохӯрӣ доир гардид
3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Имрӯз маросими ҷоизасупорӣ ба ғолибони озмуни ҷумҳуриявӣ баргузор гардид
Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст
ХУШҲОЛОНА ЗИНДАГӢ НАМО – АЗ ВАЗЪИ СОЛИМИИ ХУД ОГОҲ БОШ! Дар Академияи идоракунии давлатӣ вохӯрӣ баргузор гардид
ТАДБИРҲОИ БАЛАНД БАРДОШТАНИ МАҚОМИ ЗАН ДАР ҶОМЕА. Аз тасвиби ин Фармони таърихии Президенти Тоҷикистон 24 сол сипарӣ гашт
1 ДЕКАБР- РӮЗИ ҶАҲОНИИ МУБОРИЗА БО ВИРУСИ НОРАСОИИ МАСУНИЯТИ ОДАМ (ВНМО-ВИЧ/СПИД). Соли 2023 дар ҷаҳон тақрибан 1,7 миллион сирояти нав ба қайд гирифта шудааст
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». 77 довталаб аз ҳисоби занон ба даври ниҳоии озмуни ҷумҳуриявӣ роҳхат гирифтанд
ЗИМИСТОН ФАРО РАСИД. Дар моҳи аввали ин фасл Тоҷикистонро чӣ гуна ҳаво интизор аст?
Дар Донишгоҳи давлатии тиббии Тоҷикистон бо мақсади пешгирии бемориҳои ғайрисироятӣ конференсияи байналмилалӣ доир шуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид
