«Литсейи касбии техникии махсуси шаҳри Душанбе» таъмиру таҷдид мегардад
ДУШАНБЕ,07.06.2021/АМИТ «Ховар»/. Муассисаи давлатии таълимии «Литсейи касбии техникии махсуси шаҳри Душанбе»-и Вазорати меҳнат, муҳоҷират ва шуғли аҳолии Ҷумҳурии Тоҷикистон таъмиру таҷдид мегардад. Бо ин мақсад гурӯҳи корӣ дар ҳайати Раиси Бонки миллии Тоҷикистон Ҳоким Холиқзода, директори НБО-и «Норак» Фазлиддин Шоиддинов, муовини Раиси шаҳри Душанбе Мавсума Муинӣ ва муовини якуми Вазири меҳнат, муҳоҷират ва шуғли аҳолии ҷумҳурӣ Абдулғаффор Раҳмонзода аз Муассисаи давлатии таълимии «Литсейи касбии техникии махсуси шаҳри Душанбе» боздид намуда, бо вазъи феълӣ ва шароити зисту таҳсили тарбиятгирандагони он шинос шуданд. Дар ин бора ба АМИТ «Ховар» аз Бонки миллии Тоҷикистон иттилоъ доданд.
Зимни шиносоии гурӯҳи корӣ бо вазъи муассиса маълум шуд, ки барои беҳтар намудани шароити таҳсил ва будубоши таълимгирандагон зарурати андешидани тадбирҳои амалӣ- таъмиру таҷдиди бинои таълимӣ, бинои хобгоҳ ва анборҳо барои нигоҳдории ашёҳои аввалиндараҷа, корҳои навсозӣ дар таъмини гармидиҳӣ, таъминоти хӯрокворӣ, бунёди майдонча ва толори варзишӣ зарур аст.
Гурӯҳи корӣ бо тарбиятгирандагони муассиса мулоқот намуда, фикру мулоҳизаи онҳоро оид ба шароити зист, барномаи таълимӣ ва касбомӯзӣ шуниданд.
Баъди баррасии масъалаҳои ҷойдошта гурӯҳи корӣ тасмим гирифт, ки дар наздиктарин муҳлат нақшаи чорабиниҳоро таҳия карда, давра ба давра барои татбиқи корҳои таъмиру таҷдид ва таъминот аз рӯи зарурат ва дархост чораҳои амалӣ андешанд. Муассисаи давлатии таълимии «Литсейи касбии техникии махсуси шаҳри Душанбе» таълимгоҳи махсус буда, соли 1947 бунёд шудааст. Айни замон дар таълимгоҳ 35 нафар хонандагон ба таълиму тарбия фаро гирифта шуда, дар оянда шумораи онҳо ба 80 нафар расонида хоҳад шуд.
Муассиса ягона таълимгоҳи махсус мебошад, ки дар он наврасони синни 14-18- сола аз тамоми гӯшаю канори ҷумҳурӣ барои таълиму тарбия ва омӯхтани касбу ҳунарҳои гуногун фаро гирифта мешаванд.
Таълимгирандагон асосан ятимони кулл, нимятимон, фарзандоне, ки волидайнашон онҳоро саробонӣ намекунанд ва дигар табақаҳои ниёзманди ҷомеа мебошанд.
Аксҳо аз Бонки милии Тоҷикистон
Оид ба муҳокимаи ҷамъиятии лоиҳаи Қонуни Ҷумҳурии Тоҷикистон «Дар бораи васоити ахбори омма» ҳамоиш доир шуд
Дар Душанбе вобаста ба сармоягузорӣ ба оянда ҳамоиши ҷавонон доир гардид
Дар вилояти Суғд ҷаласаи V Шурои иттифоқҳои касабаи давлатҳои Осиёи Марказӣ баргузор шуд
Ҷаласаи якуми гурӯҳи корӣ оид ба ҳамоҳангсозӣ ва идоракунии озмоишгоҳҳо дар Тоҷикистон доир шуд
МАЪРИФАТИ ҲУҚУҚӢ-ОМИЛИ ТАҲКИМИ ПОЯҲОИ ДАВЛАТДОРӢ. Нақши Конститутсия дар ташаккули маърифати ҳуқуқӣ муҳим ва асосӣ аст
ТАРБИЯИ ВАТАНДӮСТӢ. Бо ин мақсад бо афсарону сарбозони ноҳияи Лахш вохӯрӣ доир шуд
Дар шаҳру деҳоти Кӯлоб баҳри пешгирии офатҳои табиӣ соҳили дарёҳо мустаҳкам карда мешавад
«ИСТИҚБОЛИ САРБОЗИ ВАТАН ШАРАФ АСТ!». Дар шаҳри Турсунзода сарбозони аз хизмат баргаштаро бо тантана истиқбол намуданд
Дар Душанбе ҷаласаи Шурои роҳбарони мақомоти муҳоҷирати давлатҳои иштирокдори ИДМ доир мешавад
35-СОЛАГИИ ИСТИҚЛОЛИ ДАВЛАТӢ. Дар шаҳри Ваҳдат бинои Маркази саломатии деҳоти Гулистон ба истифода дода шуд
Дар Душанбе бо ҷавонони фаъол ва масъулини соҳаи кор бо ҷавонон ва варзиш мулоқот доир шуд
«МАН БА ВАТАН ХИЗМАТ МЕКУНАМ!». Баргузории иқдоми ҷумҳуриявии Кумитаи кор бо ҷавонон ва варзиш сафи ихтиёриёнро зиёд намуд
