Машварати роҳбарони мақомоти салоҳиятдори давлатҳои узви СҲШ дар шакли маҷозӣ баргузор шуд
ДУШАНБЕ, 14.06.2021 /АМИТ «Ховар»/. 11-умин Машварати роҳбарони мақомоти салоҳиятдори давлатҳои узви Созмони ҳамкории Шанхай, ки барои мубориза бо муомилоти ғайриқонунии маводи нашъаовар ваколатдор шудаанд, дар шакли маҷозӣ баргузор гардид. Дар ин бора аз маркази матбуоти Агентии назорати маводи нашъаовари назди Президенти Ҷумҳурии Тоҷикистон ба АМИТ «Ховар» хабар доданд.
Дар машварати мазкур роҳбарони мақомоти зидди маводи нашъаовари Ҷумҳурии Ҳиндустон, Ҷумҳурии Халқии Хитой, Ҷумҳурии Исломии Покистон, ҷумҳуриҳои Тоҷикистон, Қирғизистон Ӯзбекистон Қазоқистон, Федератсияи Россия ва муовини Котиби генералии СҲШ иштирок доштанд.
Дар оғози машварат бо сухани ифтитоҳӣ директори Агентии назорати маводи нашъаовар, генерал-майори адлия Ҳабибулло Воҳидзода аз номи Тоҷикистон ҳамчун кишвари раисикунанда дар СҲШ ва муовини Котиби генералии СҲШ баромад намуд.
Машварат дар фазои дӯстона ва созанда баргузор гардида, дар рафти он ҷонибҳо дар бораи вазъи нашъамандӣ дар кишварҳои худ корҳои анҷомдода, дурнамои рушди ҳамкории байналмилалӣ дар соҳаи мубориза бо муомилоти ғайриқонунии маводи нашъаовар ва тадбирҳо оид ба таҳкими ҳамкории амалии зидди маводи нашъаовари кишварҳои узви СҲШ мубодилаи афкор намуданд.
Ҳамчунин дар идомаи чорабинии мазкур ҷонибҳо лоиҳаи Нақшаи корӣ (2021-2023) оид ба татбиқи Барномаи амалҳо доир ба амалигардонии «Стратегияи зидди маводи нашъаовари давлатҳои узви СҲШ барои солҳои 2018-2023»-ро маъқул дониста, ба баррасии ҷаласаи роҳбарони давлатҳои узви СҲШ, ки 16-17-уми сентябри соли 2021 дар шаҳри Душанбе баргузор мегардад, пешниҳод намуданд. Қобили зикр аст, ки дар нақшаи масъалаи коркарди минбаъдаи таъсис додани Маркази зидди маводи нашъаовари Созмони ҳамкории Шанхай дар шаҳри Душанбе бо пешниҳоди Тоҷикистон пешбинӣ гардидааст.
Дар хотимаи машварат ҷонибҳо доир ба масъалаҳои муҳокимагардида қарорҳои дахлдор қабул намуданд.
АКС: маркази матбуоти Агентии назорати маводи нашъаовар
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
