Ҳукумати Ӯзбекистон ровии телевизиони вилоятии Суғд Наврӯза Мамироваро қадрдонӣ намуд
ДУШАНБЕ, 18.06.2021 /АМИТ «Ховар»/. Ҳукумати Ҷумҳурии Ӯзбекистон ровии телевизиони вилоятии Суғд Наврӯза Мамироваро, ки ҳангоми сафари Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ба ноҳияи Бобоҷон Ғафуров дар васфи сарварони ҳарду давлат шеър хонда буд, қадрдонӣ кардааст. Дар ин бора 18 июн блогер ва рӯзноманигори тоҷик Озод Мелибоев дар саҳифаи фейсбукиаш хабар додааст.
«Имрўз Наврӯза Мамирова, духтараке, ки 11 июн дар қасри «Арбоб», дар вохӯрии Президентони Тоҷикистону Ўзбекистон бо зиёиёни вилояти Суғд ширкат варзида, суханронӣ карда буд, аз тарафи Ҳукумати Ӯзбекистон қадрдонӣ карда шуда, ба ӯ нишони сарисинагии «Ӯзбекистон белгиси» ва туҳфаи Президенти Ӯзбекистон супорида шуд», — навиштааст Мелибоев.
Нишон ва тӯҳфаҳоро ба Наврӯза Мамирова дар як маросими мутантан, ки дар он муовини Раиси вилояти Суғд Анвар Яъқубӣ, адибон, рӯзноманигорон, ректорони мактабҳои олӣ ва пайвандони Наврӯза ҳузур доштанд, сафири Ӯзбекистон дар Тоҷикистон Эргаш Шоисматов супурдааст.
Тавре қаблан иттилоъ дода будем, сарварони Тоҷикистон ва Ӯзбекистон тибқи барномаи кории худ 11 июн бо зиёиёни ду кишвар дар Қасри фарҳангии «Арбоб» дар ноҳияи Бобоҷон Ғафуров мулоқот оростанд. Дар ин мулоқот Наврӯза Мамирова, муҳаррир ва барандаи телевизиони вилояти Суғд иштирок ва суханронӣ кард.
Қироати мисраъҳои як шеър бо забонҳои тоҷикӣ ва ӯзбекӣ дар васфи Эмомалӣ Раҳмон ва Шавкат Мирзиёев аҳли толорро ба ваҷд овард ва ҳозирин аз ҷой бархоста, кафкубӣ карданд.
Аз аксҳое, ки мақомоти расмӣ ва корбарони шабакаҳои иҷтимоӣ ба нашр расонидаанд, дида мешавад, ки баъди анҷоми мулоқот президентҳо ба назди муҳаррир ва барандаи ТВ Суғд омада, ба маҳорати шеърхонияш аҳсану офарин хонданд.
«Шеъри қироатнамудаи Наврӯза Мамирова рӯхияи умумии сафарро (сафари расмии Президенти Ӯзбекистон ба Тоҷикистон – тавз. АМИТ «Ховар») ифода намуд», — навишт худи ҳамон рӯз дар саҳифаи худ дар шабакаи иҷтимоии Facebook котиби матбуотии Президенти Ӯзбекистон Шерзод Асадов.
Хотиррасон мешаваем, ки субҳи 11 июн муҳтарам Шавкат Мирзиёев дар идомаи сафари раксмиашон ба Тоҷикистон аз Душанбе ба Хуҷанд рафтанд. Ин аввалин сафари сарвари давлати ҳамсоя ба ин шаҳри бостонӣ дар шимоли Тоҷикистон арзёбӣ гардид. Мирзиёевроо дар ин сафар Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамроҳӣ намуданд.
АКСҲО: Хадамоти матбуоти Президенти ҶТ/АМИТ «Ховар» ва МИҲД вилояти Суғд
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
Дар Муассисаи давлатии «Боғи Ирам»-и шаҳри Душанбе даврии ниҳоии Озмуни ҷумҳуриявии «Ҳунар омӯз…» оғоз шуд
