Ба хотири рушди фаъолияти соҳибкории занон 80 лоиҳаи мақсаднок дастгирӣ ёфт

Июль 30, 2021 10:28

ДУШАНБЕ, 30.07.2021 /АМИТ «Ховар»/. Дар шаш моҳи аввали соли равон ҷиҳати дастгирии соҳибкории занон мутобиқи қарори Ҳукумати Ҷумҳурии Тоҷикистон аз 28 январи соли 2021 «Дар бораи грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2021-2025» аз 332 лоиҳаи воридгардида 80 лоиҳаи мақсаднок ба маблағи 2 млн сомонӣ дастгирӣ ёфт. Дар ин бора 29 июл зимни нишасти матуботӣ раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода иттилоъ дод.

Дар ҷараёни нишаст Ҳилолбӣ Қурбонзода масъалаи бекоршавии ақди никоҳро дар шашмоҳаи аввали соли равон ташвишовар унвон намуд.

Ба гуфти мавсуф, ҳолати бекоршавии ақди никоҳ яке аз масъалаҳои рӯзмарра боқӣ мондааст. Дар ҷамъбасти соли 2020 теъдоди талоқ 10536 ҳолатро ташкил дод, ки нисбат ба соли 2019 (12482) 1946 ҳолат кам ба қайд гирифта шуд. Мутаассифона, дар шаш моҳи соли 2021 он 6476 ҳолатро ташкил дод, ки нисбат ба ҳамин давраи соли гузашта (5486) 990 ҳолат зиёд аст.

Ҳамчунин дар самти пешгирии омилҳои номатлуб зикр гардид, ки тибқи маълумоти оморӣ, гирифторони бемории ВНМО аз ҳисоби занон дар 6 моҳи соли равон 172 нафар қайд шудаанд, ки нисбат ба ҳамин давраи соли гузашта 88 нафар кам аст.

Нишондиҳандаи сироятёбии занон ба нашъамандӣ низ коҳиш ёфта, дар ин давра 109 нафарро ташкил дод, ки нисбат ба 6 моҳи соли 2020 4 нафар кам аст.

 

АКС аз АМИТ «Ховар»

Июль 30, 2021 10:28

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд