COVID-19. Ҷамолиддин Абдуллозода бо мақсади аз наздик шинос шудан бо ҷараёни табобати гирифторони ин беморӣ аз бинои 6-уми Маркази миллии тиббии «Шифобахш» дидан намуд
ДУШАНБЕ, 15.06.2021. /АМИТ «Ховар»/. 14 июл Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз бинои 6-уми Маркази миллии тиббии «Шифобахш», ки дар он ҷо гирифторони бемории коронавируси нави COVID-19 бистарӣ мебошанд, дидан намуд.
Тавре аз Вазорати тандурустӣ ва ҳифзи иҷтимоии аҳолӣ ба АМИТ “Ховар” хабар доданд, Ҷамолиддин Абдуллозода аснои боздид бо ҷараёни хизматрасонии тиббӣ ба гирифторони бемории коронавируси нави COVID-19 ва сатҳу шароити муассиса дар самти табобати беморони мазкур аз наздик шинос гардид.
Зикр гардид, ки дар ин ҷо гирифторони сирояти коронавирус ба таври шабонарӯзӣ таҳти назорати табибон қарор дошта, пизишкон баҳри наҷоти ҷони онҳо тамоми кӯшиш ва талоши хешро равона месозанд.
Ҳамзамон имрӯз намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз Беморхонаи шаҳри Ваҳдат ва як зумра муассисаҳои тандурустии вилояти Суғд низ дидан намуда, бо ҷараёни табобати гирифторони бемории COVID-19 аз наздик шинос шуданд.
Тавре маълум гардид, дар муассисаҳои тандурустие, ки дар онҳо гирифторони бемории коронавируси нави COVID-19 бистарӣ шудаанд, шароит ва имконоти мусоид фароҳам оварда шуда, табибон ба таври шабонарӯзӣ фаъолият намуда истодаанд. Дар ин муассисаҳо дастгоҳҳои нафасдиҳии сунъӣ ва дигар мавод ва таҷҳизоти тиббӣ дастрас мебошанд.
Зимни боздид Вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода ва масъулини вазорат бо пайвандони беморон, ки берун аз беморхонаҳо қарор доштанд, суҳбати озоду ошкоро анҷом дода, иброз доштанд, ки Ҳукумати мамлакат баҳри табобати гирифторони ин беморӣ тамоми тадбирҳои заруриро хоҳад андешид.
Ҳадаф аз боздиди роҳбарият ва масъулини вазорат аз муассисаҳои тандурустие, ки дар онҳо гирифторони сирояти коронавирус бистарӣ шудаанд, пеш аз ҳама назорати хизматрасонии тиббӣ ба беморони коронавирус, шиносоии бевосита пайдо намудан бо фаъолияти муассисаҳои тандурустӣ ва ҷараёни табобати гирифторони бемории мазкур мебошад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
