Дар коргоҳҳои шаҳри Гулистон истеҳсоли маҳсулоти саноатӣ аз рӯи 64 намуд ба роҳ монда шудааст
ХУҶАНД, 17.07.2021. /АМИТ «Ховар»/. Давоми шаш моҳи соли 2021 корхонаҳои саноатии шаҳри Гулистон ба маблағи беш аз 2,2 миллиард сомонӣ маҳсулот истеҳсол намуданд. Аз ин 96,7%-и ҳаҷми маҳсулоти истеҳсолгардида ба корхонаҳои саноатӣ тааллуқ дошта, 3,3%-и он ба хизматрасонии пулакӣ ва бахши соҳибкорӣ мансуб аст. Дар ин бора 15 июл зимни нишасти матбуотӣ раиси шаҳри Гулистон Бахтиёр Маҷидӣ ба рӯзноманигорон маълумот дод.
Бино ба иттилои хабарнигори АМИТ «Ховар», зимни нишаст раиси шаҳр инчунин иброз намуд, ки дар шашмоҳаи аввал дар шаҳр 2 корхонаи нави саноатӣ ба истифода дода шуд. Дар ин давра вазни қиёсии корхонаҳои саноатӣ дар ҳаҷми истеҳсоли маҳсулоти саноатии миқёси вилояти Суғд 34,3 фоизро ташкил дода, истеҳсоли барзиёди маҳсулоти саноатӣ аз рӯи 64 намуди аслӣ ба роҳ монда шуд.
Зикр гардид, ки дар давраи ҳисоботӣ ба корхонаҳои саноатии шаҳр 36,1 миллион сомонӣ сармои хориҷӣ ҷалб гардида, инчунин дар ин давра дар осоишгоҳҳои соҳили «Баҳри тоҷик» 379 нафар меҳмонони хориҷӣ ва 12751 нафар истироҳаткунандагони дохилӣ, дар маҷмӯъ беш аз 13 ҳазор нафар истироҳат намуданд.
Ҳамзамон вобаста ба омодагиҳо ба таҷлили 30-солагии Истиқлоли давлатӣ баён гардид, ки то ба имрӯз дар қаламрави шаҳр ва шаҳраку ҷамоатҳои он беш аз 204 иншооти ҷашнӣ мавриди баҳрабардорӣ қарор гирифта, то ҷашни бузурги миллӣ дар маҷмӯъ беш аз 221 иншооти таъйиноти гуногун ба истифода дода мешаванд.
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
