Дастаи мунтахаби духтарони навраси Тоҷикистон (U-17) чемпионати CAFA-2021-ро бо мусовӣ оғоз кард

Июль 5, 2021 09:57

ДУШАНБЕ, 05.07.2021 /АМИТ «Ховар»/. Дар бозии ифтитоҳии худ дар чемпионати Ассотсиатсияи футболи Осиёи Марказӣ (CAFA) дастаи мунтахаби духтарони навраси Тоҷикистон (U-17) бо ҳамсолони худ аз Ӯзбекистон бозиро мусовӣ кард — 1: 1. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Бозигари дастаи мунтахаби Ӯзбекистон Лайло Рустуллоева дар дақиқаи 45-ум ҳисоби бозиро кушод. Дар охири вохӯрӣ пас аз партоби тӯби кунҷӣ нимҳимоятгари дастаи мунтахаби Тоҷикистон Умеда Ҷалилова ҳисобро баробар кард — 1: 1.

Дар қувваозмоии дигари даври аввали мусобиқоти CAFA-2021 дастаи мунтахаби Эрон ба дарвозаи дастаи мунтахаби Афғонистон 6 голи беҷавоб зад.

Бозиҳои даври дуюми мусобиқоти Ассотсиатсияи футболи Осиёи Марказӣ рӯзи душанбе, 5 июл баргузор мешаванд. Бозӣ байни дастаҳои мунтахаби Эрон ва Ӯзбекистон соати 18:00 оғоз мешавад, дастаҳои Тоҷикистон ва Афғонистон соати 20:45 рақобат хоҳанд кард.

Мавриди зикр  аст, ки мусобиқоти CAFA-2021 байни духтарони то 17-сола бо усули мудаввар дар як давр баргузор мешаванд. Дастаи ғолиб аз рӯи миқдори бештари холҳои бадастоварда муайян карда мешавад.

Мусобиқоти CAFA-2021 байни духтарони то 17 сола

Даври 1-ум

Ӯзбекистон – ТОҶИКИСТОН 1:1

Голҳо: Лайло Рустуллоева, 45 (1:0). Умеда Ҷалилова, 80+1 (1:1).

Эрон – Афғонистон 6:0

Голҳо: Зулфӣ Муҳаддисеҳ, 9 (1:0). Ғазал Муршединекном, 13 (2:0). Нозанинзаҳро Мансуралворис, 17 (3:0). Диана Нарӯзӣ, 34 (4:0). Зулфӣ Муҳаддисеҳ, 74 (5:0). Севиндҷ Сулаймонӣ, 80+5 (6:0).

 

Б       Б       М      Б       Т       Х

1       Эрон                                      1       1       0       0       6-0    3

2       ТОҶИКИСТОН                  1       0       1       0       1-1    1

3       Ӯзбекистон                 1       0       1       0       1-1    1

4       Афғонистон               1       0       0       1       0-6    0

 

Тақвими бозиҳои боқимонда:

Даври 2-ум

5 июл (душанбе)

18:00 Эрон – Ӯзбекистон

20:45 ТОҶИКИСТОН – Афғонистон

Даври 3-ум

7 июл (чаҳоршанбе)

18:00 Ӯзбекистон – Афғонистон

20:45 ТОҶИКИСТОН – Эрон

АКС: ФФТ

Июль 5, 2021 09:57

Хабарҳои дигари ин бахш

Довталабони иҷозатномаи «PRO» оид ба футбол таҷрибаомӯзиро дар дастаи миллии Тоҷикистон анҷом доданд
Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид
Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад