Фурудгоҳҳои байналмилалии Тоҷикистон имсол ба зиёда аз ним миллион мусофир хизмат расонидаанд
ДУШАНБЕ, 27.07.2021 /АМИТ «Ховар»/. Фурудгоҳи байналмилалии Душанбе имсол ба зиёда аз 337 ҳазор нафар мусофирон хизмат расонидааст, ки нисбат ба ҳамин давраи соли гузашта, беш аз 23 ҳазор мусофир ё 7, 4 фоиз зиёд мебошад.
Чунин зикр намуд директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода имрӯз зимни нишасти матбуотӣ ба хабарнигорон дар Душанбе.
Мавсуф афзуд, ки миқдори умумии бор ва почтаи қабул ва интиқолгардида дар ин давра тавассути Фурудгоҳи байналмилалии Душанбе беш аз 535 тоннаро ташкил дод, ки ин омор нисбат ба ҳамин давраи соли 2020 153 тонна ё беш аз 40 фоиз зиёд аст. Хатсайрҳои хизматрасонида 1841 ададро ташкил доданд, ки ин омор дар қиёс ба ҳамин давраи соли сипаригардида 346 адад зиёд мебошад.
Инчунин имсол дар Фурудгоҳи байналмилалии Душанбе 59 ҳолати ба таъхир гузоштани парвозҳо ба қайд гирифта шудааст. Ҳамзамон зикр гардид, ки дар ин давра даромади фурудгоҳ беш аз 170 миллион сомонӣ ва хароҷот зиёда аз 147 миллион сомониро ташкил додааст.
Дар ин давра фурудгоҳҳои байналмилалии Душанбе, Бохтар, Хуҷанд ва Кӯлоб дар маҷмӯъ ба зиёда аз 517 ҳазор нафар мусофирон хизмат расонидаанд, ки нисбат ба ҳамин давраи соли гузашта 23,4 ҳазор ё 4,7 фоиз зиёд мебошад. Аз ин шумора ба Фурудгоҳи байналмилалии Душанбе беш аз 337 ҳазор мусофир, Хуҷанд зиёда аз 110 ҳазор, Кӯлоб зиёда аз 56 ҳазор ва ба фурудгоҳи Бохтар беш аз 13 ҳазор мусофир рост меояд.
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
Имрӯз дар Бангкок ҷаласаи вазирони Барномаи махсуси СММ барои иқтисодиёти Осиёи Марказӣ доир шуд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
